Catharina van Hemessen foi una pintora flamenca, fía de Jan Sanders van Hemessen. Especializada en semeyes, destaca'l so propiu Autorretratu ante'l caballete fecháu en 1548 (Basilea, Kunstmuseum Basel y San Petersburgu, Muséu del Ermitage), el primer autorretratu femenín conocíu.Ficha de la obra en Kunstmusuem Basel.
Biografía y obra Formada probablemente col so padre, goció de la proteición de María d'Hungría, hermana del emperador Carlos V y gobernadora de los Países Baxos. En 1554 casóse con Christian de Morien, organista de la catedral d'Amberes, siendo posible qu'abandonara la pintura a partir d'esti momentu, pos nun se conocen pintures roblaes posteriores a esta fecha. N'arrenunciando María al gobiernu de los Países Baxos, en 1556, los maríos viaxaron cola so corte a España. En 1558 morrió la gobernadora en Cigales (Valladolid) dexando a Catharina un arrogante pagu según Ludovico Guicciardini, que la menta como destacada artista y entá viva na so Descrittione (…) di tutti i Paesi Bassi (1566).
De Catharina conócense roblaos delles semeyes de pequeñes dimensiones, na so mayor parte femeninos y sobre fondu neutru, fechaos ente 1548, como'l so propiu autorretratu o la semeya d'una muyer nueva tocando'l virxinal (Colonia (Alemaña), Wallraf-Richartz Museum), robláu «Caterina de Hemessen Pingebat 1548. Aetatis Suae 22», y 1552, añu en qu'apaez fecháu la semeya d'un home de Londres, The National Gallery, robláu en capitales «catharina. filla / ioannis de hemes / sen pingebat /.1552.»Portrait of a man, ficha de la obra en The National Gallery. thumb|Retablu de Tendilla, Cincinnati Art Museum. Podría tener dalguna participación nel llamáu retablu de Tendilla (Cincinnati Art Museum), procedente del escastáu monesteriu jerónimo de Santa Ana de la citada villa alcarreña, atribuyíu por Max J. Friedländer a Jan Sanders van Hemessen. Los escudos llabraos en madera a lo cimero del retablu correspuenden a los Arellano y los Sotomayor, emparentaos los primeres colos Mendoza, patronos d'una capiya nel monesteriu.García de Paz, p. 66. Obra del taller, na que s'estrema más d'una mano, el retablu pudo ser pintáu hacia 1550 y con Catharina rellacionáronse les pintures del cuerpu central y la predela.García de Paz, pp. 66-67.
Referencies
Bibliografía García de Paz, José Luis, Patrimoniu desapaecíu de Guadalaxara: una guía pa conocelo y remembralo, AACHE Ediciones de Guadalaxara, 2003, ISBN 8496236056
Enllaces esternos
Categoría:Pintores de Flandes Categoría:Pintores de Flandes