La República Democrática d'Armenia (n'armeniu: Դեմոկրատական Հայաստանի Հանրապետություն, treslliteráu: Demokratakan Hayastani Hanrapetutyun), tamién conocida como la Primer República Armenia, foi'l primer estáu modernu armeniu. Surdió en 1918, col colapsu del Imperiu rusu tres la Revolución rusa de 1917 y depués de que la República Federativa Democrática Trescaucásica desapaeciera, dio una oportunidá a la Federación Revolucionaria Armenia pa la creación de la nueva república, dirixida polos 103 delegaos d'un total 203 del ex-reinu de los Romanov. La nueva República partía cola República Democrática de Xeorxa al norte, cola República Democrática d'Azerbaixán al este, l'Imperiu persa al sur, y l'Imperiu otomanu (en plena partición) al oeste. Eventualmente, la nación tuvo en guerra con tolos sos vecinos, sacante Persia, productu de diferentes conflictos. Estos conflictos significaron la perda del 50% del so territoriu inicial. La Primer República Armenia dexó d'esistir en payares de 1920, cuando Azerbaixán, controlada polos bolxeviques, invadiólos.
En 1918, la nueva república enfrentóse al Imperiu otomanu na Primer Guerra Mundial mientres la campaña del Cáucasu, que terminó col Tratáu de Batum. Esti tratáu foi'l primer alcuerdu internacional de la República Democrática d'Armenia, robláu nel mesmu día de la declaración internacional de la república. Cola derrota del Imperiu otomanu a la fin de la Primer Guerra Mundial, los Estaos Xuníos y Woodrow Wilson propunxeron na Conferencia de Paz de París ampliar les llendes de la República Democrática d'Armenia a cuenta d'incluyir les rexones de l'Armenia histórica, esti territoriu nuevu, tamién foi conocíu como Armenia Wilsoniana, foi ratificáu pol Tratáu de Sèvres. Sicasí, esti tratáu nunca se punxo en práutica y el destín de los territorios foi determinaos polos trataos de: Alexandropol, dempués el de Kars y, a la fin, el de Lausana.
En 1920, la República Democrática d'Armenia alministraba una zona que tomaba la mayor parte de l'actual Armenia, la Provincia de Kars, los distritos d'Ardahan, Iğdır, Çıldır y Göle, en cuantes que les rexones de Naxçıvan, Nagorno-Karabakh, Zanguezur (güei provincia armenia de Syunik), y Qazakh que taben en disputa y llucha con Azerbaixán. La rexón d'Olti (alministráu de siguío por Xeorxa en 1920) tamién foi reivindicada pola República Democrática d'Armenia. La mayoría de la zona d'Armenia disputóse a Lorri, tamién alministráu por Xeorxa. L'exércitu armeniu llogró'l control de toes estes rexones sacante la de Karabakh que taba baxo'l control temporal d'Armenia, anque Azerbaixán siguía faciendo valir les sos pretensiones sobro la zona.
El nuevu estáu enfrentó serios problemes internos y esternos. Tres el colapsu del nuevu estáu independiente armeniu, l'Exércitu Coloráu invadió ya incorporó a la República Democrática d'Armenia a la República Federativa Democrática Trescaucásica.Dr. Andrew Andersen, PhD. Atles de Conflictos: Armenia: Nación creada y disputes territoriales: 1918-1920: 1918-1920
En 1922, Josif Stalin, comisariu de les naciones de la Xunión Soviética, cedió Nagorno-Karabakh a Azerbaixán como un óblast autónomu. Les árees de Qazakh y el corredor d'Artsvashen fueron finalmente cedíes a Azerbaixán en 1931. Sicasí Armenia recibió Lorri de Xeorxa en compensación esi mesmu añu. Cola disolución de la República Federativa Democrática Trescaucásica en 1936, Armenia coles sos actuales llendes proclamó la República Socialista Soviética d'Armenia.
Primer Guerra Mundial
Antecedentes de la República y el so establecimientu thumb|left|110px|Ilustración del alcuerdu publicáu nel Manchester Guardian, el llunes 26 de payares de 1917. Foi la primer referencia n'inglés al alcuerdu que llevó los nomes de los sos dos negociadores.
Les visiones de la lliberación floriaron cola ofensiva de Rusia de 1916 y la posterior ocupación de la metá oriental d'Anatolia - o Armenia occidental, incluyendo la mayoría de les provincies de Van, Bitlis, y Erzurum, y de les rexones costeres del Mar Negru, (Trabzon). Estes visiones de lliberación d'Armenia establecioeron la idea d'independizase del dominiu del Imperiu otomanu con ayuda de los rusos, esta idea foi'l principal motivu de que los armenios nestes provincies ayudáran al exércitu rusu. Asina l'exércitu imperial llegó a les sos metes, y col fin d'evitar un reagrupamientu de los armenios y la emigración escontra territorios rusos n'El Cáucasu, los reximientos de voluntarios armenios que participaren nestes ofensives fueron lliberaos de les sos formaciones. Desaniciada, los armenios tornaron a la so tierra natal, acabante lliberar del dominiu del Imperiu otomanu. Sicasí, el restu de los armenios n'El Cáucasu enfrentáronse a la censura de Rusia y la tiranía.
Los armenios aprendieren la lóxica de toes estes actividaes dempués de la revolución bolxevique de 1917. El réxime zarista roblara trataos secretos cola Triple Entente sobro la partición del Imperiu otomanu al rematar la guerra. Magar el réxime zarista taba dando'l so consentimientu a la división del Oriente Mediu, Anatolia occidental, y Cilicia, tamién quería sustituyir a la población llocal de musulmanes residentes nel norte d'Anatolia (Teniendo la llinia del frente en 1916 como guía) y Estambul con colonos cosacos que yeren más fiables.The Armenians (Caucasus World. Peoples of the Caucasus) (Hardcover) by Edmund Herzig p. 95 L'Altiplanu Armeniu nunca tuvo la intención de que fuera parte d'Armenia. Estos documentos fueron fechos públicos ente febreru y marzu tres el trunfu de la Revolución de 1917 pa ganar l'apoyu de los armenios. Por esta razón el pueblu armeniu celebró'l final de la dinastía Romanov.
Dempués d'una serie de gobiernos, los armenios aprendieren más, en concretu, que'l gran duque Nicolás xunto cola Comisión Especial de Trescaucasia (особый Закавказский Комитет (ОЗАКОМ), osobyy Zakavkazskiy Komitet (OZAKOM)), el comité de la República Federativa Democrática de Trescaucasia, cola so promesa d'ayudar a los armenios a tornar a la so patria dende los campos de refuxaos del Cáucasu quedó conxeláu. Los miles de persones que tornaren a los sos llugares d'orixe colos sos propios recursos alcontráronse que los soldaos rusos abandonaron los sos puestos y tenía'l so propiu regresu al so llugar d'orixe.
La Federación nun foi capaz de formar un frente únicu énte la meyora del Imperiu otomanu, que se diera cuenta de la nueva debilidá rusa na rexón. El 26 de mayu, los xeorxanos retiráronse de la Federación, considerando que podríen establecer llendes más favorables per aciu de la mediación alemana. Los menxeviques armenios siguieron lluchando colos otomanos, pero los azerbaixanos retiráronse, una y bones el partíu dominante n'Azerbaixán, el Musavat simpatizaba colos turcos.
Esta ye la primer vegada que se reconoció que los armenios teníen que construyir el so propiu gobiernu y sistema de control. El lema bolxevique de la dómina "paz ensin anexones y les indemnizaciones" convirtióse en "la tierra, la paz, y pan". Los armenios de Rusia nel marcu del control escurrieren el congresu nacional n'ochobre de 1917. Esta convención celebrada en Tblisi, axuntó a los 203 delegaos del ex-reinu de los Romanov, rematando en setiembre de 1917, incluyendo 103 miembros pertenecientes a la Federación Revolucionaria Armenia.
Primer Gobiernu La República Democrática d'Armenia tuvo cuatro primeros ministros, mientres la so curtia esistencia como estáu, de los cualos toos pertenecíen a la Federación Revolucionaria Armenia. Hovhannes Katchaznouni foi'l primeru d'estos mandatarios. Aram Manougian foi nomáu primer ministru del Interior y creó la policía armenia en 1918, nel cargu de Ministeriu del Interior, la policía yera parte integrante. Amás de facer cumplir la llei y l'orde, el Ministeriu del Interior foi tamién responsable de les comunicaciones como'l telégrafu, el ferrocarril, y el sistema d'escueles públiques. El Parllamentu d'Armenia aprobó una llei sobro la policía'l 21 d'abril de 1920, especificando la so estructura, xurisdicción, competencies y responsabilidá.
Mientres el primer añu de la nueva república, los armenios d'Anatolia emigraron a llugares más seguros. Les carreteres fueron apexaes con refuxaos. Más al sureste, en Van, los armenios aguantaron al exércitu turcu hasta abril de 1918, pero col tiempu viéronse obligaos a sacupar y retirase a Persia. Cuando los azerbaixanos se xunieron colos otomanos, apoderáronse de les llinies de comunicación, aisllando al Conseyu Nacional Armeniu en Bakú y Yereván del Conseyu Nacional en Tblisi.
Campaña del Cáucasu
Mentanto, el gobiernu central del Imperiu otomanu, Ittihad (Unionista), trató de ganar l'amistá de los bolxeviques. El tratáu d'amistá ruso-otomanu robláu'l 1 de xineru de 1918, ayudó a Vehib Pasha a atacar a la República d'Armenia. El xeneral Tovmas Nazarbekian foi'l comandante nel frente del Cáucasu y Andranik Toros Ozanian tomó'l mandu d'Armenia dientro del Imperiu otomanu. Baxo fuerte presión de les fuercies combinaes del exércitu otomanu y les milicies irregulares curdes, la República foi forzada a retirase d'Erzurum a Erzincan. Van foi abandonada tamién en 1918 y cientos de miles d'armenios siguieron a la retirada de les tropes. Vehib Pasha tamién ocupó Trabzon, onde los rusos dexoren enormes cantidaes de suministros.
Dempués de reactivase'l Frente del Cáucasu de la I Guerra Mundial, los armenios enfrentáronse solos a los exércitos otomanos, siendo derrotaos. El 4 de xunu de 1918, Armenia robló'l Tratáu de Batum, el so primer tratáu internacional, colos exércitos turcos a menos de 7 km de la capital. Armenia fixo grandes concesiones de territoriu énte Turquía, calteniendo namái 12 mil km².Syunik History. Syunik Regional Web Site. Consultáu'l 13/01/2008. L'embaxador alemán en Turquía, el Conde Bernsdorf, comentaría que los turcos dexaren el llagu Sevan a los armenios pa nadar, pero nun-yos dexaren espaciu pa ensugase. Diches perdes nun fueron reconocíes pol xeneral armeniu Andranik Ozanian que, coles sos fuercies, permaneció na rexón de Karabakh y Zangezur, onde siguió lluchando escontra los turcos.
Guerra xeorxano-armenia
200px|thumb|El proyeutu del Estáu Armeniu creáu pol Tratáu de Sèvres. Ente'l 7 d'avientu y el 31 d'avientu de 1918, Xeorxa y Armenia entamen una pequeña guerra conocida como la guerra xeorxano-armenia, pol control de les provincies d'Ardahan, Ahalkalaki y Lorri.Armenia. Atlas of Ethnic Conflicts, Border Disputes & Ideological Clashes por Andrew Andersen. Consultáu'l 13/01/2008. El Reinu Xuníu intervieno, forzando un alcuerdu ente les partes, creando una alministración mutua sobre Lorri que duró hasta finales de 1920 gran parte de población yera d'orixe armeniu, xunto con delles otres nacionalidaes vecines, foi reivindicada polos dos países, pero foi ocupáu polos otomanos dempués de la evacuación de Xeorxa de la zona. Los combates siguieron con menos éxitu mientres dos selmanes. A pesar del éxitu inicial, la ofensiva armenia baxo Drastamat Kanayan finalmente foi detenida, rematando la guerra cola mediación británica qu'establecía una alministración civil armenio-xeorxana na zona neutral de Lorri".
Guerra armenio-azerbaixana