Pascale Ehrenfreund ye una astrobióloga austriaca. Foi profesora de astrobioloxía na Universidá d'Ámsterdam y la Universidá de Leiden ente 2003 y 2005 y presidenta del "Fondu pa la ciencia d'Austria" (Fonds zur Förderung der wissenschaftlichen Forschung (FWF) n'alemán) dende 2013 hasta'l so nomamientu como CEO del Centru Aeroespacial Alemán en 2015. Ye la primer muyer n'ocupar esti cargu nun institutu d'investigación n'Alemaña.
Biografía En 1983 empezó los sos estudios en Astronomía y Bioloxía na Universidá de Viena. Siguió los sos estudios en Bioloxía molecular nel Institutu de Bioloxía Molecular de Salzburgu, parte de l'Academia Austriaca de Ciencies graduándose en 1988 col trabayu "Purificación y carauterización d'una aminopeptidasa procedente de Streptomyces plicatus" y na Universidá de París 8, onde en 1990 llogró'l so doctoráu en Astrofísica cola tesis "Estudios espectroscópicos visible ya infrarroxu d'hidrocarburos arumosos policíclicos y otros clústers de carbonu". Realizó'l post doctoráu nel Observatoriu de Leiden como miembru de l'Axencia Espacial Europea (ESA) y del Centru Nacional d'Estudios Espaciales (CNES), llogrando una beca Marie Curie. En 1996 acepta una beca de l'Academia Austriaca de Ciencies pa empezar la so investigación en "Polvu cósmico", rematando cola so tesis de habilitación en 1999.
Honores y membresías Premios 2011 - NASA Group Achievement Award for the O/OREOS satellite mission 2001 - Premiu d'astronomía Pastoor-Schmeits 2001 - New Impulse Grand, Gobiernu de los Países Baxos 1999 - Asteroide (9826) Ehrenfreund 2114 T-3 1996 - Premiu APART, Academia Austriaca de Ciencies
Academies y Comités 2016 - Vicecanciller, International Space University 2015 - Vicepresidente, Asociación Helmholtz (Aeronautics-Space-Transportation) 2015 - Xunta Directiva, University Space Research Association USRA, Region III * 2014 - Miembru, International Institute of Space Law IISL 2012 - Miembru, NRC Committee on Astrobiology and Planetary Science CAPS 2010 - Presidente, Committee on Space Research COSPAR Panel on Exploration PEX
Referencies
Categoría:Astrónomos y astrónomes d'Austria Categoría:Astrónomos y astrónomes Categoría:Escritores d'Austria Categoría:Persones d'Austria Categoría:Persones d'Austria Categoría:Persones de Viena