Patricia Beatriz Tissera ye una astrofísica arxentina. Foi investigadora del CONICET y del Institutu d'Astronomía y Física del Espaciu onde dirixó'l grupu d'Astrofísica Numbérica.
Trayeutoria Estudió na Facultá de Matemática, Astronomía y Física (FAMAF) de la Universidá Nacional de Córdoba, onde llogró la so carrera de grau en 1991 y la de posgráu onde se doctoró n'astronomía en 1995. Una vegada remataos los sos estudios realizó los sos primeros trabayos post doctorales na Universidá d'Oxford, l'Imperial College of Science, Technology and Medicine y la Universidá Autónoma de Madrid hasta 1997. Depués, en 1998 ingresó nel CONICET conde realizó una llarga carrera.
El so área de trabayu ye l'astrofísica numbérica –o astrofísica computacional, o cosmoloxía numbérica- , una caña de l'astronomía que se sirve de ferramientes informátiques pa llograr simulaciones de distintes rexones del Cosmos, onde s'especializa na formación y evolución de galaxes, y les estructures mayores de cúmulos. El grupu col que trabayó Tissera nel IAFE, xunto a científicos de la Universidá Nacional de Córdoba desenvolvió un modelu numbéricu pa estudiar l'arriquecimientu químicu del universu.
Dende'l 2014 Ye profesora titular del Departamentu de Física de la Universidá Andrés Bello (Chile), onde lidera la llinia d'investigación: modelos y simulaciones de formación de galaxes. Ye miembru de la Unión Astronómica Internacional.
Lleva publicaos más de 100 artículos científicos na so materia.
Premios y reconocencies 2007: Premiu Scopus pa Mozos Científicos. 2007: Premiu Houssay en Ciencies Naturales y Exactes. 2010: Premiu "Loreal-Unesco-Conicet pola Muyer en Ciencia"
Referencies
Categoría:Astrónomos y astrónomes d'Arxentina Categoría:Científicos y científiques d'Arxentina Categoría:Wikipedia:Mantenimientu:Persones ensin plantía nym