L'Andecha ye una institución del Derechu consuetudinariu Asturianu.
Carauterístiques El términu andecha deriva del vocablu indicta participiu del llatín indicere (anunciar) –"llamar a andecha"- y consiste nun trabayu personal, voluntariu y de baldre que s'axusta al esquema de la reciprocidá equilibrada: "Güei por ti, mañana por mí". L'andecha inscríbese poro dientro de los trabayos que'l drechu llaboral denoma amistosos, bonables y bona vecindá.
La mano d'obra de l'andecha ye recoyida acordies colos llazos familiares, d'amistanza o vecindá, pa facer frente a los trabayos de cotanes del ciclu agrícola que resulten más urxentes y a aquellos llabores que son costosos sobre manera pa les families del pueblu que treviesen circunstancies especiales como viudedá, malura o situaciones asemeyaes. L'andecha tamién se convoca p'aidar nel acarretu de materiales na construcción o igua d'un edificiu.
Participantes En tou caso los participantes na andecha, pola mor del so calter voluntariu y de baldre, nun puen adquirir derechos de propiedá sobre'l productu del trabayu en comuña, singularidá que constitúi'l rasgu xuridificador d'esta figura.
Ver tamién Antoxana
Referencies
Enllaces esternos Dictame de la Comisión Especial de Drechu Consuetudinariu Asturianu
Categoría:Drechu consuetudinariu asturianu categoría:Usos y costumes