Joseph Antoine Tancrède Auguste foi un políticu haitianu, presidente de la República d'Haití dende'l 9 d'agostu de 1912 hasta la so muerte. La so presidencia, que duró solu ocho meses, empezó na crisis, yá que el so predecesor Cincinnatus Leconte morriera nuna esplosión del Palaciu Presidencial causada polos sos opositores políticos. El presidente Auguste ordenó entós la reconstrucción del Palaciu Nacional y estableció una policía secreta p'atayar cualquier combalechadura contra'l gobiernu. Enfermu, morrió antes de completar el so mandatu.
Biografía Fíu de André P. Auguste y Ernestine Rotgers, yera dueñu d'una casa comercial en Puertu Príncipe. Depués convirtióse en Ministru del Interior y Policía so les presidencies de Florvil Hyppolite y Tiresias Simon Sam. Foi parte del Conseyu de Secretarios d'Estáu, qu'aseguró la transición al poder ente la muerte de Florvil Hyppolite y la elección de Tiresias Simon Sam.
Asumió la presidencia d'Haití'l 9 d'agostu de 1912.
Dempués d'un viaxe al norte del país, Auguste sufrió una enfermedá y morrió en 2 de mayu de 1913.
Referencies
Enllaces esternos
Categoría:Presidentes d'Haití Categoría:Militares d'Haití