Marta Graciela Rovira ye una astrofísica arxentina, ex direutora del Institutu d'Astronomía y Física del Espaciu y ex presidenta nel CONICET, siendo la primer muyer en llograr esi cargu.
Trayeutoria Ye Llicenciada en Física y Doctora en Ciencies Físiques, egresada de la Facultá de Ciencies Esautes y Naturales (Universidá de Buenos Aires).
Dirixó'l IAFE ente 1995 y 2008, hasta que tuvo qu'abandonar el cargu pa convertise en presidenta del CONICET ente 2008 y 2012, col detalle de ser la primer muyer en llegar a esi cargu. Foi tamién presidenta de l'Asociación Arxentina d'Astronomía mientres tres mandatos (1999,2002 y 2005), vicepresidenta de la Xunión Astronómica Internacional, onde amás foi Puntu Únicu de Contautu en representación de l'Arxentina, y presidenta de l'Asociación Llatinoamericana de Xeofísica del Espaciu (ALAGE) ente 1998 y 2004. Ye Investigadora del CONICET dende 1979.
La so tema d'interés ye la física solar y ye autora de más de 120 artículos científicos, y un llibru publicáu sol nome de "El Sol" en 2007 pola editorial EUDEBA.
Llogró una Mención Especial nos Premios Konex 2008.
Referencies
Categoría:Astrónomos y astrónomes Categoría:Científicos y científiques d'Arxentina Categoría:Astrofísicos y astrofísiques d'Arxentina Categoría:Wikipedia:Mantenimientu:Persones ensin plantía NF Categoría:Wikipedia:Mantenimientu:Persones ensin plantía nym