thumb|Henri Duveyrier. Henri Duveyrier foi un xeógrafu, y esplorador d'El Sáḥara d'orixe francés. Nació en París, pero pasó parte de la so mocedá en Londres, onde conoció a Heinrich Barth, entós preparando la hestoria de los sos viaxes nel Sudán occidental.
A la edá de diecinueve años, Duveyrier, qu'había aprendíu árabe, empezó un viaxe peles partes más septentrionales d'El Sáḥara que duró casi trés años. Dempués de volver a Francia, en 1863, recibió la medaya d'oru de la Sociedá Xeográfica de París.
En 1864 publicó Exploration du Sahara: les Touareg du nord.
Na guerra de 1870 foi tomáu prisioneru polos alemanes. Darréu fixo dellos viaxes más al Sáḥara, aumentando considerablemente la conocencia que se tenía de la rexón darréu al sur del Atles, dende les llendes más occidentales de Marruecos hasta Tunicia. Duveyrier punxo especial atención a la forma de vivir y la cultura de los Tuaregs, colos que convivió mientres meses, y a la organización de los Senussi. En 1881 publicó La Tunisie y en 1884 La confrérie musulmane de Sîdî Mohammed ben Alî-Senoûsi et son domaine géographique en l'année 1300 de l'Hégire. Morrió en Sèvres en 1892.
Fuentes Le livre d'Or de l'Algérie, Narcisse Faucon, Challamel et Cie Ed. Librairie Algérienne et Coloniale, 1889 Jean-Louis Triaud, 1995. La légende noire de la Sanûsiyya. Une confrérie musulmane sous le regard français (1840-1930), Paris, Ed. de la Maison des sciences de l’homme, 2 tomos Michael Heffernan, 1989. The limits of utopia : Henri Duveyrier and the exploration of the Sahara in the nineteenth century, The Geographical Journal 155 (3), 1989 : 349-352 René Pottier, 1938. Un prince saharien méconnu. Henri Duveyrier. Paris Dominique Casajus, Le destin saharien d’un saint-simonien rebelle : Henri Duveyrier colos Tuaregs, 2003 Dominique Casajus, Henri Duveyrier et le désert des saint-simoniens, 2004 Dominique Casajus, Henri Duveyrier face à Prosper Enfantin, rebelle ou rival?, 2005 Henri Duveyrier, 1864, L'exploration du Sahara. Les Touaregs du Nord. Paris, Challamel Henri Duveyrier, 1884, La confrérie musulmane de Sîdi Mohammed ben ‘Alî Es-Senoûsî et son domaine géographique, en l’année 1300 de l’hégire – 1883 de notre ère, Paris, Société de Géographie Henri Duveyrier, 2006. Journal d'un voyage dans la province d'Alger, Paris, Ed. des Saints Calus Dominique Casajus, 2007. Henri Duveyrier. Un saint-simonien au désert, Paris, Ibis Press
Referencies
Enllaces esternos
Categoría:Esploradores d'África del sieglu XIX de Francia Categoría:Xeógrafos y xeógrafes de Francia Categoría:Historia d'El Sáḥara Categoría:Persones de París