L'idioma yeniche (en francés yeniche, n'alemán Jenisch) ye una variante del alemán, falada pol pueblu yeniche, formáu por nómades que percuerren principalmente Alemaña, Austria, Suiza y partes de Francia.
Componentes El yeniche ta documentáu dende'l sieglu XVIII. Ye una xíriga, más qu'una llingua actual; nesti sentíu, consiste nun númberu significante de pallabres úniques especializaes, pero que nun cunten con gramática propia o'l so propiu vocabulariu básicu. Los falantes del Yeniche xeneralmente falen nel so dialeutu llocal alemán arriquecíu con vocabulariu yeniche.
El vocabulariu yeniche contién munches pallabres d'orixe romanín y yidish (y al traviés d'esta ruta del hebréu); tamién tien munches metáfores inusuales y metonomías que sustitúin pallabres del alemán estándar. La rellación ente'l yeniche y l'alemán estándar ye comparable a la rellación ente'l Cockney o Polari al Inglés Estándar. Munches pallabres orixinales de yeniche convirtiéronse en parte del alemán estándar.
Los yeniches fueron orixinalmente viaxeros, persones con oficios fuera de la corriente principal de la sociedá, que los riquida camudase de ciudá en ciudá, tales como comediantes, xitanos y vendedores de puerta en puerta. Al día de güei, la xíriga yeniche ye solamente usada en llocalidaes aisllaes; por casu, en ciertos distritos probes de les ciudaes tales como Berlín, Münster, Luxemburgu y dalgunes poques villes, etc.
Les variantes individuales de la llingua yeniche pueden ser absolutamente distintes, y tienen nomes d'ellos mesmos, tales como Masematte, Lepper Talp, Heenese Vlek y munchos más.
Referencies
Enllaces esternos Wittich, Engelbert, and Günther, L., Die jenische Sprache, 1914
Categoría:Llingües altoxermániques Categoría:Llingües d'Alemaña Categoría:Llingües d'Austria Categoría:Llingües de Suiza Categoría:Llingües de Francia Categoría:Llingües d'Italia