La estación de Villaḥormes ye un apeaderu ferroviariu asitiáu en Villaḥormes, nel conceyu asturianu de Llanes. Forma parte de la rede de vía estrecha operada por Renfe Operadora al traviés la so división comercial Renfe Feve. Los trenes rexonales que xunen Uviéu y Santander tienen parada nesta estación.
Situación ferroviaria La estación atópase nel puntu quilométricu 415,2 de la llinia de ferrocarril d'anchu métricu que xune Uviéu con Santander, ente les estaciones de Nueva y de Posada, a 32 metros d'altitú. El tramu ye de vía única y nun ta electrificáu.
Historia Foi abierta al tráficu'l 20 de xunetu de 1905, cola puesta en serviciu del tramu Les Arriondes-Llanes d'una llinia que con esti tramu completaba'l so percorríu ente Uviéu y Llanes. Les obres y la esplotación corrieron al cargu de la Compañía de los Ferrocarriles Económicos d'Asturies. En 1972, l'edificiu pasó a ser propiedá de la empresa pública FEVE que caltuvo la so xestión hasta l'añu 2013, momentu nel cual la esplotación foi tresferida a Renfe Operadora y les instalaciones a Adif.
Referencies
Enllaces esternos Renfe Feve na web de Renfe Operadora.
Villahormes Categoría:Llanes