Claude Gay Mouret foi un naturalista ya historiador francés nacionalizáu chilenu que fizo los primeros estudios amplios de la flora, fauna, xeoloxía y xeografía de Chile.
La cordillera Claudio Gay na rexón d'Atacama de Chile lleva'l so nome. Fundó'l Museu Nacional de Historia Natural de Chile, y el so primer direutor foi otru francés, Jean-François Dauxion-Lavaysse.
Investigación y viaxes Gay viaxó primeramente a París pa estudiar medicina, pero abandonó rápido esa idea pa dedicase a la investigación en historia natural. En 1828, viaxó a Chile pa dar clases de física ya historia natural nun colexu de Santiagu. En 1829, aceptó un cargu como investigador al serviciu del gobiernu chilenu pa realizar un estudiu científicu del país.
Volvió a Francia en 1832 y donó les sos coleiciones al Muséu Nacioanl d'Historia Natural de París. Los sos exemplares botánicos pueden atopase anguaño en museos y yerbarios de tol mundu, incluyendo'l Yerbariu Nacional de Victoria (MEL), nos Xardinos Botánicos Reales de Victoria.
Volvió a Chile en 1834 y esploró de nuevu'l país per cuatro años. Dempués de visitar Perú en 1839, establecióse en Santiagu, onde escribió la so obra en múltiples volúmenes titulada . En 1841, Chile concedió-y la nacionalidá chilena, y la so obra más destacada foi publicada pol gobiernu chilenu ente 1844 y 1871.
Gay tornó a Francia en 1843, y en mayu de 1856 foi escoyíu miembru de l'Academia de Ciencies de Francia. Viaxó per Rusia y Tartaria ente 1856 y 1858. A finales de 1858, l'Academia de Ciencies de Francia unviólu a estudiar el sistema mineru de los Estaos Xuníos. Tornó a Francia en 1860, y en 1863 viaxó a Chile por última vegada.
Referencies
Enllaces esternos
Categoría:Botánicos y botániques de Chile Categoría:Botánicos y botániques de Francia Categoría:Naturalistes de Francia Categoría:Esploradores de Francia Categoría:Plantes descrites por Gay Categoría:Wikipedia:Mantenimientu:Botánicos ensin plantía botánicu