El hapkido (en coreanu 합[hap]기[ki]도[do] escrito en hangul, y 合[hap]氣[ki]道[do] escrito con hanja) ye un arte marcial coreanu.
A simple vista ye una combinación de téuniques de taekwondo con otres d'aikibudo. La so enseñanza ta mui enfocada a la defensa personal.
Historia La historia del hapkido ye bastante confusa, pero munches fuentes lu atribuyen a dos coreanos: Choi Yong Sul (1904-1986) y Ji Han Jae (1936-). Cuando yera neñu, Choi foi a Xapón, u paez que trabayó de criáu pal maestru del Daito ryu Aiki jutsu, Sokaku Takeda.
Choi demostró calidaes nel Daito-ryu Aiki-jutsu y davezu Takeda unviábalu a enfrentase con otros prauticantes d'artes marciales. De la que volvió a Corea, Choi empezó a dar clases d'artes marciales. Unu de los sos alumnos, Ji Han Jae, incorporó téuniques coreanes tradicionales de pataes y puñetazos (derivaes del taekkyon y del hwarangdo), y al repertoriu de téuniques resultante dio-y en 1959 el nome d'hapkido.
Además de Choi y Ji, munches escueles d'artes marciales coreanes tuvieron participación nel desendolcu de delles téuniques que contribuyeron al hapkido como lu conocemos anguaño.
Referencies
Enllaces esternos World Hapkido Headquarters - Hapkidowon Sin Moo Hapkido n’España Páxina oficial Asociación Española Yang Hum Kwan Hapkido Páxina oficial Sin Moo Hapkido en Francia Páxina de l'Hapki Yu Kwon Sul d'Euskadi Hapkido - Lee Dong Keun
Categoría:Artes marciales de Corea