gedit ye un percompletu editor de testos llibre que se distribúi xunto al xestor d'escritoriu GNOME pa sistemes tipu Unix. Esti editor carauterízase principalmente pola so facilidá d'usu, algamada en gran parte gracies a un interface gráficu nidiu y llimpiu, amosando namái les funcionalidaes principales que suelen requerir la mayoría de usuarios.
El software ye distribuyíu baxo les condiciones de la llicencia Pública Xeneral de GNU (GPL).
Anguaño esiste una versión en llingua asturiana que se distribuye xunto con Ubuntu.
Carauterístiques principales Arriendes de les funcionalidaes básiques que son avezaes nún editor de testu, como copiar, cortar y pegar testu, imprentar, etc. gedit incorpora, ente otres, les siguientes funcionalidaes: Soporte de testos internacionalizaos, usando la codificación UTF-8. Coloreáu del testu según la sintaxis de dellos llinguaxes de programación: C, C++ Java, Python... Correutor ortográficu multi-idioma. Incorporación de plugins pa enantar les funcionalidaes básiques del programa. Posibilidá de camudar el color y fonte del testu del editor. Numberación de llinies. Busca y troque de testu. Edición de ficheros remotamente. Copia de seguridá de los ficheros sobro los que se trabaya. Soporte propiu pa SCIM, pudiendo escribir en distintos alfabetos como'l xaponés, chinu, etc. activándolu dende'l menú y teniendo instaláu el SCIM.
...y un llargo etcétera de nueves funcionalidaes que se van incorporando en socesivas versiones.
Arquiteutura L'aplicación ta diseñada pa funcionar sobro X Window System, usando les llibreríes GTK+ y GNOME. L'editor ta integráu col restu de GNOME, sofitando l'arrastráu d'archivos ente Nautilus haza'l cuerpu principal de l'aplicación, usu del framework d'imprentación del xestor de GNOME y el so sistema integráu d'aida.
Ver tamién Ubuntu Unix Softastur
Referencies
Enllaces esternos www.gedit.org — Páxina oficial de gedit. Páxina web del Grupu de traducción de Software llibre de Softastur Comentarios a toles versiones de gedit
Categoría:GNOME Categoría:Editores de testu