Чатыры пражскія артыкулы — назва гусіцкай палітычнай і рэлігійнай праграмы, адзінай для ўмеранай («пражскай») і «табарыцкай» фракцый прыхільнікаў рэлігійнага рэфарматара Яна Гуса. Праграма была складзена на тэалагічным факультэце Пражскага ўніверсітэта ў ходзе дыспутаў у 1417—1420 гг., і прадстаўлена ў складзе народнага маніфеста 27 мая 1420 года каралю Жыгімонту.
Апісанне Пражскія артыкулы, заснаваныя на вучэнні Яна Гуса, былі накіраваны на рэфармаванне каталіцкай царквы ў Багеміі, населенай у асноўным чэхамі, на пазбаўленне кантраляванай рымскімі Папамі чэшскай царквы эканамічнай і свецкай магутнасці, на сцвярджэнне свабоды веравызнання. Асноўны змест: Свабода прапаведавання «Слова Божага» Прычашчэнне вернікаў пад абодвума відамі: не толькі хлебам, але і віном (чашай — адкуль пайшла назва «чашнікі») Забарона святарам быць адначасова прадстаўніком свецкай улады (гэта азначала пазбаўленне царквы права валодаць маёмасцю) Суровыя пакаранні за смяротныя грахі (пры гэтым да грахоў прылічаліся і практыкаваныя каталіцкай царквой продаж індульгенцый, продаж царкоўных пасад, і г . д.) У скарочаным выглядзе і з агаворкамі, «якія знішчалі іх сэнс», ляглі ў 1433 годзе ў аснову Пражскіх кампактатаў.
Катэгорыя:Гусіты Катэгорыя:Гісторыя права Катэгорыя:Гісторыя Чэхіі