«ProSSpekt» — беларускі поп-рок гурт. Лаўрэаты міжнароднага музычнага конкурсу «Я-звезда-2010». Фіналісты нацыянальнага адборачнага туру міжнароднага конкурсу маладых выканаўцаў «Новая Волна» 2011 года. Пераможцы «Нацыянальнай музычнай прэміі» у намінацыі «Аўтарскі дэбют».
Гісторыя Група ўтварылася ў лютым 2010 года ў сценах Інстытута журналістыкі БДУ. У пачатку свайго шляху група называлася «Delirio» і Professional Spectrum — «Pro.Спектр», да таго часу, пакуль не з'явілася другая вакалістка Вольга Палюшык, з яе прыходам група мяняе сваю назву на «ProSSpekt». Група шмат выступае ў клубах, што дапамагае музыкам сыграцца, знайсці сваё гучанне і першых прыхільнікаў. У вакалістаў яшчэ да прыходу ў групу хапала песень на два паўнавартасных альбома. Аднак асноўным рэпертуарам першых выступаў з'яўляліся арыгінальныя кавер-версіі сусветных хітоў. Паралельна з выступленнямі калектыў працуе над сваім першым альбомам, які выйдзе ў лістападзе 2011 года пад назвай «Точка Ком».
Гурт «ProSSpekt» складаецца з 6-ці чалавек. Вольга Палюшык — у мінулым вядучая праграмы «О»«Программа О» в эфире Первого музыкального телеканала стартовала в новом формате Генеральный директор Первого музыкального: «А новая ведущая у нас появилась — Ольга Палюшик» і карэспандэнт праграмы «120/80 News» на «Першым музычным тэлеканале», тэлежурналіст. Мікалай Знахарчук — студэнт Беларускай дзяржаўнай акадэміі музыкі па класе вакала, раней саліраваў у іншых вядомых беларускіх групах.Николай Знахарчук в "Арт-группы «Беларусы» Склад групы некалькі разоў змяняўся. Першы і нязменны бас-гітарыст гурта Уладзімір Развадоўскі — двойчы прэзідэнцкі стыпендыят (у галіне геаграфіі і музыкі), лаўрэат і стыпендыят многіх рэспубліканскіх і міжнародных конкурсаў. Клавішнік гурта Альберт Красноў — лаўрэат 1-й прэміі і Гран-пры міжнародных конкурсаў піяністаў у Расіі. З нядаўняга часу ў групу ўліліся браты Даронкіны. Лідар-гітарыст групы Арцемій Даронкін — студэнт эстраднага факультэта Інстытута сучасных ведаў ім. А.М. Шырокава па класу гітары, адзін з арганізатараў праекта «Virage Guitars»VIRAGE GUITARS: новый сезон, новый формат!. Ударнік — Ягор Даронкін — студэнт Мінскага музычнага вучылішча ім. Глінкі.
Першым выступам гурта стаў канцэрт 12 лютага 2010 года ў клубе «Рэактар» на трыб'юце гурта Metallica, была выканана песня «The Unforgiven III». Калектыў выступае 23 ліпеня 2010 года на «Пятым Юбілейным злёце байкераў» у Лагойску. У першыя месяцы існавання група выступала на адной сцэне з гуртамі Лепрыконсы, J:МОРС, Пятром Ялфімавым, Сяргеем Лазаравым і групай Парк Горкага. У лістападзе 2010 года гурт прымае удзел у папулярным тэлевізійным праекце «Музыкальный суд» тэлеканала «АНТ», і трапляе ў фінал. Таксама прымаюць удзел у праграмах «Эстрадный коктейль» тэлеканала «АНТ» і «Звёздный ринг» тэлеканала «СТБ». У праграме «Эстрадный коктейль» песня «Альфа і Омега» стала лідарам па выніках тыднёвага глядацкага галасавання.«Альфа и Омега» стала лидером в «Эстрадном коктейле»
12 лютага 2011 года ў сталічным клубе «JackClub» адбыўся канцэрт прысвечаны першаму дню нараджэння калектыва.Группе «ProSSpekt» — 1 год
У ліпені 2011 года быў зняты кліп на песню «Рэчанька».Народная песня «Рэчанька» приобретет современное звучание
3 лістапада ў клубе «Re:Public» гурт прэзентуе дэбютны альбом «Точка Ком» і першы відэакліп.Группа «ProSSpekt» презентовала свой дебютный альбом «Точка Ком»
13 снежня 2011 года ў Палацы Рэспублікі ў Мінску адбыўся гала-канцэрт «Нацыянальнай музычнай прэміі», дзе група ProSSpekt стала пераможцам (з намінаваных катэгорый — «Адкрыццё года», «Аўтарскі дэбют», «Прыз глядацкіх сімпатый») у намінацыі «Аўтарскі дэбют» як новае імя ў беларускім шоу-бізнэсеНациональная музыкальная премия — список победителей . Акрамя таго, група атрымала спецыяльную статуэтку «Залатая ратацыя» ад радыё Пілот FM.
Склад Мікалай «Знахарь» Знахарчук — вакал, аўтар слоў і музыкі Вольга Палюшык — вакал, аўтар слоў і музыкі Уладзімір «Vovchik» Развадоўскі — бас-гітара Альберт Красноў — клавішы Арцемій Даронкін — гітара Ягор Даронкін — барабаны
Дыскаграфія
Студыйныя альбомы «Точка Ком» (2011)
Відэаграфія 2011 — «Рэчанька»Youtube — ProSSpekt — Рэчанька (Официальный клип) 2012 — «Альфа і Амега»Youtube — ProSSpekt — Альфа и Омега (Официальный клип) 2013 — «My Home Is A Planet»Youtube — ProSSpekt — My Home Is A Planet (Официальный клип)
Спасылкі Афіцыйны сайт гурта
Алена Дзядзюля. На Праспекце музыка без меж // Звязда Сярова Анастасія. Народная песня «Рэчанька» набудзе сучаснае гучанне // БелТА (03.08.2011) Ганна Новік. ProSSpekt прэзентавалі першы альбом і паказалі дэбютны кліп // Ultra-music.com (10.11.2011)
Катэгорыя:Поп-рок-гурты Беларусі Катэгорыя:Музычныя калектывы паводле алфавіта Катэгорыя:Музычныя калектывы, якія з’явіліся ў 2010 годзе