Свята-Міхайлаўская царква — былая царква ў Картынічах Гомельскай вобласці. Знішчана падчас вайны, не адноўлена.
Гісторыя Першае згадванне аб царкве адносіцца да 1604 года, калі Іакаў Мелеш даў фундаш на царкоўную зямлю. Потым царква ўпамінаецца ў 1754 годзе. Апекунамі царквы былі біскупы І. Масальскі і І. Булгак. У 1777 годзе храм быў у добрым стане. У званіцы мелася 3 званы. У 1795 годзе стала праваслаўнай. З 1803 года царкву прыпісалі да Лельчыцкага прыхода. У 1888 годзе царква згарэла. На яе месцы пабудавалі капліцу. Пры капліцы мелася драўляная званіца. У 1889 годзе на сродкі памешчыка Радзішкова капліца перабудавана ў царкву і асвечана ў тым жа годзе.
У 1943 годзе нямецка-фашысцкія захопнікі спалілі ўсю вёску разам з царквой.
Літаратура Кніга памяць «Лельчыцкі раён» — с. 568 Картынічы Катэгорыя:Картынічы Катэгорыя:Зніклі ў 1943 годзе Катэгорыя:Колішнія праваслаўныя храмы Гомельскай вобласці Катэгорыя:Згарэлыя будынкі і збудаванні Катэгорыя:1880-я ў Беларусі Катэгорыя:З’явіліся ў 1880-я гады