Уладзімір Рыгоравіч Правасуд (, в. Подгаць, Парыцкі раён, БССР) — беларускі гумарыст і сатырык, журналіст. Заслужаны работнік культуры Беларусі (1991).
Біяграфія У 1944 г. быў вывезены ў Германію, вызвалены амерыканцамі.
Першы верш надрукаваў у газеце «Піянер Беларусі» ў 1953 г. У час службы ў Савецкай Арміі друкаваўся ў газеце Прыбалтыйскай ваеннай акругі і дасылаў вершы ў «Вожык». Пасля дэмабілізацыі з шэрагаў Савецкай Арміі працаваў у Лельчыцкай раёнцы «Савецкае Палессе», у красавіку 1962 г. накіраваны працаваць у рэспубліканскую газету «Калгасная праўда», у 1967 г. перайшоў у рэдакцыю часопіса «Вожык».
Скончыў факультэт журналістыкі БДУ (1970), літработнік часопіса «Вожык».
Пабываў на якуцкім участку БАМа. Напісаў паэму прысвечаную «светлай памяці Герояў Савецкага Саюза якута Фёдара Папова і беларуса Мікалая Кедышкі» імёнамі якіх былі названы камсамольска-маладзёжныя атрады БАМаўцаў адпаведных рэспублік. Потым ізноў наведваў ЯАССР, перакладаў творы якуцкіх пісьменнікаў: Аляксея Кюндэ, Архіпа Абагінскага, Панцеляймона Туласынава, Інакенція Эрцюкова, Сафрона Данілава, Сямёна Данілава, Майсея Яфімава, Міхаіла Цімафеева.
Творчасць Аўтар кніг «Палескі Марэсьеў» (1965), «Ветэран» (1968), «Бабрыная справа»(1969), «Светлая доля» (1975), «Соль і перац» (1976), «Зайздросны лёс» (1977), «Любоў без узаемнасці» (1979), «Возвращение» (1981), «Працоўны поўдзень» (1983), «Цёшча і аўтамабіль» (1984), «Прыкарытнікі» (1993) «Народжаны рэвалюцыяй» (1979), «Працоўны поўдзень» (1983), «Бамаўцы» (1984), «Маўклівая пушча» (1989) і іншыя. У 2008 г. выйшаў збор твораў у трох тамах.
Творы Палескі Марэсьеў. 1965. 58 с. Ветэран. Мінск. 1968. 46 с. Бабрыная справа. Байкі, гумарэскі, мініяцюры. Мінск. 1973. 48 с. Светлая доля. Мінск. 1975. С. 79. Соль і перац. Мінск. 1976. 95 с. Зайздросны лёс. Нарыс. Мінск. 1977. 79 с. Прасека. // Работніца і сялянка. Мінск. 1978. Народжаны рэвалюцыяй. Мінск. 1979. 92 с. Любоў без узаемнасці. Гумар. Мінск. 1979. 94 с. Побратимы. Поэма. Перевел с белорусского Федор Ефимов. // Полярная звезда. № 2. Якутск. 1981. С. 29-34. Комиссар. Очерк. // Полярная звезда. № 6. Якутск. 1981. С. 69-74. Эргиллии (Поэматтан быhа тардыы.). // Хотугу сулус. № 11. Якутскай. 1981. С. 89-92. Эргиллии. Якутскай. (Поэма). 1981. 48 с. Працоўны поўдзень. Нарысы. Мінск. 1983. 174 с. Бамаўцы. Нарысы. Мінск. 1984. 94 с. Цешча і аўтамабіль. Сатырычныя вершы. Мінск. 1984. 48 с. З берагоў Лены. // Братэрства 87. Літаратурны зборнік. Мінск. 1987. С. 78-85. Прыкарытнікі. Вершы. Мінск. 1995. 31 с. Маўклівая пушча. Нарысы. Мінск. 1989. 140 с. Збор твораў у трох тамах. Мінск 2008.
Літаратура Прыняты ў Саюз пісьменнікаў Беларусі. // Літаратура і мастацтва. Мінск. 19 ліпеня 1996.
Катэгорыя:Пісьменнікі Беларусі Катэгорыя:Нарадзіліся ў Акцябрскім раёне Катэгорыя:Сатырыкі Беларусі Катэгорыя:Гумарысты Беларусі Катэгорыя:Беларускамоўныя пісьменнікі Катэгорыя:Перакладчыкі Беларусі Катэгорыя:Перакладчыкі на беларускую мову Катэгорыя:Перакладчыкі з якуцкай мовы