«Звезда» () — расійскі штомесячны літаратурны часопіс, выдаецца ў Петраградзе — Ленінградзе — Санкт-Пецярбургу са студзеня 1924 года. Выходзіў спачатку 6 разоў у год, з 1927 года выходзіць штомесяц.
Гісторыя часопіса Літаратурна-мастацкі і грамадска-палітычны часопіс, орган Саюза пісьменнікаў СССР заснаваны ў студзені 1924 года. Першым рэдактарам часопіса быў Іван Міхайлавіч Майскі.
У часопісе публікаваліся творы Максіма Горкага (трэцяя кніга «Жыцця Кліма Самгіна»), Мікалая Забалоцкага, Міхаіла Зошчанкі, Веньяміна Каверына, Мікалая Клюева, Барыса Лаўранёва («Сорак першы»), Восіпа Мандэльштама, Барыса Пастэрнака, Аляксея Талстога, Канстанціна Федзіна, Уладзіслава Хадасевіча, Юрыя Тынянава («Смерць Вазіры-Мухтара»), многіх іншых выдатных рускіх празаікаў і паэтаў.
Часопіс выходзіў у гады блакады. Пасля вайны ў часопісе друкаваліся творы Веры Пановай, Данііла Граніна, Усевалада Кочатава, Юрыя Германа.
Літаратура Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. ISBN 5-85270-037-1
Катэгорыя:Літаратурныя часопісы Катэгорыя:Часопісы Расіі Катэгорыя:Часопісы на рускай мове Катэгорыя:Культура Санкт-Пецярбурга