Заслаўскія курганныя могільнікі — група археалагічных помнікаў на тэрыторыі і ў ваколіцах Заслаўя Мінскага раёна. Захаваліся рэшткі 8 магільнікаў. Даследаваны 142 курганы (большасць 2-й паловы X — 1-й паловы XI стст.), належаць пераважна крывічам, таксама дрыгавічам, невялікая колькасць іншых усходне-славянскім плямёнам, фіна-ўграм і балтам. Пахавальны абрад — трупапалажэнне на гарызонце, зрэдку падкурганных ямах і насыпе, у 5 курганах — трупаспаленне. Пахавальны інвентар — зброя (коп’і, суліцы, сякеры, булава), упрыгожанні (скроневыя кольцы, шыйныя грыўні, каралі, бранзалеты), рэчы хатняга ўжытку (кераміка, нажы, грабяні і іншае), шашты.
Спіс найбольш адметных курганных могільнікаў Курганны могільнік (другая палова X — пачатак XII стагоддзя) 0,9 км на паўночны ўсход ад гарадзішча «Вал» — Курганны могільнік (другая палова X—XI стагоддзе) 1,6 км на паўднёвы ўсход ад гарадзішча «Замэчак» — Курганны могільнік (канец X—XI стагоддзе) 0,25 км на паўночны захад ад гарадзішча «Замэчак» — Курганны могільнік (X — першая палова XI стагоддзя) паўднёвая частка горада — Курганны могільнік (канец X—XI стагоддзе) 1,8 км на паўднёвы захад ад цэнтра горада — Курганны могільнік (канец X — першая палова XII стагоддзя) 0,4-0,5 км на паўночны захад ад гарадзішча «Вал», на левым беразе Вілейска-Мінскай воднай сістэмы — Курганны могільнік (X—XI стагоддзі) 1,5 км на паўднёвы захад ад гарадзішча «Замэчак» — Курганны могільнік (X—XI стагоддзі) 1 км ад гарадзішча «Замэчак» — Курганны могільнік (другая палова X—XI стагоддзе) 2 км на поўдзень ад гарадзішча «Замечак» —
Катэгорыя:Гісторыя Заслаўя Катэгорыя:Славутасці Заслаўя Катэгорыя:Курганныя могільнікі Мінскага раёна Катэгорыя:Крывічы