Уладзімір Мікалаевіч Валчкоў (нарадзіўся 7 красавіка 1978 г. у Мінску) — беларускі прафесійны тэнісіст. Стаў прафесіяналам у 1995 годзе.
Кар'ера Асабліва яркімі атрымоўваліся ў Уладзіміра выступы ў Кубку Дэвіса за каманду Беларусі, у якой ён доўгія гады гуляе разам з Максам Мірным.
Пераможца юніёрскага Уімблдана 1996 у адзіночным разрадзе (у фінале перамог харвата Івана Любічыча з лікам 3-6 6-2 6-3).
Вышэйшае дасягненне ў турнірах Вялікага Шлема — паўфінал на Уімблдане ў 2000 годзе, пасля чаго Валчкоў атрымаў ад брытанскай прэсы мянушку «Владыятар» (па аналогіі з галоўным героем фільма Рыдлі Скота «Гладыятар» (), які выйшаў на экраны незадоўга да пачатка турніру).
У верасні 2002 года ў Ташкенце Валчкоў адзіны раз дайшоў да фіналу турніру ATP, дзе саступіў Яўгену Кафельнікаву у 2 сэтах. Для Кафельнікава тая турнірная перамога стала апошняй у кар'еры ў адзіночным разрадзе.
Удзельнік Алімпійскіх гульняў 2000 і 2004 гадоў.
Спасылкі Профіль Уладзіміра на сайце ATP
Гісторыя ўдзелу Уладзіміра Валчкова ў Кубку Дэвіса
Катэгорыя:Тэнісісты Беларусі Катэгорыя:Тэнісісты на летніх Алімпійскіх гульнях 2000 года Катэгорыя:Тэнісісты на летніх Алімпійскіх гульнях 2004 года Катэгорыя:Пераможцы Уімблданскага турніру ў адзіночным разрадзе сярод юнакоў Катэгорыя:Кавалеры ордэна «За асабістую мужнасць» (Беларусь)