(,  [biːɾ tˤɑˈwiːl]) гэта тэрыторыя плошчай 2060 квадратных кіламетраў на мяжы Егіпта і Судана, на якую ніводная з гэтых дзяржаў не прэтэндуе.

Бір Тавіль мае чатырохкутную форму, але, нягледзячы на гэта, яго часам называюць «трохвугольнікам Бір Тавіля».

Яе статус вынікае з неадпаведнасці паміж прамой палітычнай мяжой паміж Егіптам і Суданам, усталяванай у 1899 годзе, і нерэгулярнай адміністрацыйнай мяжой, усталяванай у 1902 годзе. Егіпет прызнае палітычную мяжу, а Судан — адміністрацыйную, у выніку чаго на суседні Халаібскі трохкутнік прэтэндуюць абодва, а на Бір Тавіль ні той, ні іншы. У 2014 годзе пісьменнік Аластэр Бонэт апісаў Бір Тавіль як адзінае месца на Зямлі, якое прыдатнае для жыцця, але на якое не прэтэндуе ніякі прызнаны ўрад.

Гісторыя 19 студзеня 1899 г. пагадненне паміж Вялікабрытаніяй і Егіптам аб кіраванні Суданам вызначала «Судан» як «тэрыторыі на поўдзень ад 22-й паралелі шыраты».

4 лістапада 1902 г. Вялікабрытанія правяла асобную «адміністрацыйную мяжу», прызначаную для адлюстравання фактычнага выкарыстання зямлі плямёнамі ў рэгіёне. Тэрыторыя Бір Тавіль была пашавым угоддзем, якое выкарыстоўвалася племем Абабда, жывучым каля Асуана, такім чынам Бір Тавіль быў адданы пад кіраванне Егіпта з Каіра. Аналагічным чынам Халаібскі трохвугольнік на паўночным усходзе быў аддадзены брытанскаму губернатару Судана, таму што яго жыхары былі культурна бліжэй да Хартума.

Егіпет прэтэндуе на першапачатковую мяжу з 1899 г., 22-ю паралель, па якой Халаібскі трохвугольнік знаходзіцца ў Егіпце а Бір Тавіль у складзе Судана. Судан, аднак, прэтэндуе на адміністрацыйную мяжу 1902 г., якая змяшчае Халаібскі трохвугольнік у Судане, а Бір Тавіль у межах Егіпта. У выніку абедзве дзяржавы прэтэндуюць на Халаіб і ніводная не прэтэндуе на нашмат менш каштоўны Бір Тавіль, які ў дзясяцера менш па плошчы, не мае сталых паселішчаў і выхаду да мора. У міжнародным праве няма ніякіх падстаў ні для Судана, ні для Егіпта, каб прэтэндаваць на абедзве тэрыторыі, і ні адна з краін не жадае саступіць Халаіб. Ніякая трэцяя дзяржава не прэтэндуе на закінутую тэрыторыю, таму Бір Тавіль з’яўляецца адной з нямногіх раёнаў сушы ў свеце, на якую не прэтэндуе ні адна прызнаная дзяржава.

Геаграфія

мае плошчу 2060 квадратных кіламетраў. Даўжыня яго паўночнай і паўднёвай межаў складае 95 кіламетраў і 46 кіламетраў адпаведна; даўжыня яе ўсходняй і заходняй межаў складае 26 кіламетраў і 49 кіламетраў адпаведна. На поўначы вобласці знаходзіцца гара Джабал-Таўіл (جبل طويل), вышынёй 459 метраў. На ўсходзе знаходзіцца Габал-Хагар-эль-Зарка вышынёй 662 метры. На поўдні знаходзіцца Вадзі Таўіл (وادي طويل), таксама званы Кхаўр Абу Бард.

Клімат Клімат Бір-Тавіла, згодна з кліматычнай класіфікацыяй Кёпена, вельмі арыдны. У летнія месяцы, прыблізна тры чвэрці года, тэмпература можа перавышаць 40 °C, у самыя гарачыя месяцы (чэрвень-жнівень) дасягаючы 45 °C. Падчас кароткіх зім (снежань і студзень з’яўляюцца самымі халоднымі месяцамі) тэмпература можа быць больш мяккай, звычайна дасягаючы піку ў 26 °C.

З-за таго, што тэрыторыя знаходзіцца далёка ад акіяна (не менш за 200 км ад Чырвонага мора), сутачны дыяпазон тэмператур складае каля 20 °C круглы год."Climate: Bir Tawil

Прэтэнзіі З-за статуса незапатрабаванай тэрыторыі, шэраг асоб і арганізацый спрабаваў абвяшчаць у Бір Тавілі мікрадзяржавы. Аднак міжнародная супольнасць ніводную са спроб не ўспрыняла сур’ёзна, і з-за аддаленасці і варожага клімату рэгіёну пераважная большасць гэтых прэтэнзій была зроблена ў заявах, размешчаных у Інтэрнэце з іншых месцаў. Ні адна з гэтых прэтэнзій, ні любыя іншыя, не была прызнана, афіцыйна або іншым чынам, любым урадам або міжнароднай арганізацыяй.

Насельніцтва У Бір-Тавіле няма аселага насельніцтва, але прадстаўнікі плямёнаў Абабда і Бішары наведваюць рэгіён , і па ўсёй тэрыторыі месцяцца лагеры па пошуках радовішчаў золата.

Крыніцы

Спасылкі Google Sightseeing — трохкутнік Бір Тавіль Даследаванне міжнародных межаў

Катэгорыя:Спрэчныя тэрыторыі ў Афрыцы