Помнік Ёгану Вольфгангу фон Гётэ і Фрыдрыху Шылеру ў Веймары () — бронзавая падвойная статуя пісьменнікам Ёгану Вольфгангу фон Гётэ і Фрыдрыху Шылеру, якія доўгі час пражывалі ў Веймары. Помнік быў урачыста адкрыты 4 верасня 1857 года перад будынкам Нямецкага нацыянальнага тэатра ў гонар стагоддзя Карла Аўгуста Саксен-Веймар-Эйзенахскага. Статуі абодвух паэтаў былі адлітыя ў адну вышыню, хоць Шылер у рэчаіснасці быў на 11 см вышэй за Гётэ.
Праект помніка належыць скульптару з Дрэздэна Эрнсту Рытшэлю і яго памочніку Густаву Адольфу Кіцу. Ліцейшчык Фердынанд фон Мілер з Мюнхена займаўся адліўкай статуі з бронзы. На адваротным баку помніка выгравіраваны словы: Ernst Rietschel inv. et fec. Dresden 1856, Ferd. v. Miller fudit München 1857.
Копіі помніка стаяць у Сан-Францыска, Мілуокі, Кліўлендзе і Сіракузах.
Крыніцы
Літаратура Маркина Л. Г., Муравлёва Е. Н., Муравлёва Н. В. GOETHE-SCHILLER-DENKMAL ПАМЯТНИК ГЁТЕ И ШИЛЛЕРУ // Культура Германии: лингвострановедческий словарь: свыше 5000 единиц / под общ. ред. проф. Н. В. Муравлёвой. — М.: АСТ, 2006. — С. 356. — 1181 с. — 3000 экз. — ISBN 5-17-038383-5. Куликов Г. И., Мартиневский В. И. Goethe-Schiller-Denkmal памятник Гёте и Шиллеру // Страноведческие реалии немецкого языка. — Мн.: Вышэйшая школа, 1986. — С. 76. — 260 с. — 3600 экз.
Катэгорыя:Помнікі Германіі Катэгорыя:Ёган Вольфганг Гётэ Катэгорыя:Фрыдрых Шылер