Лін Шэму (англ.: Lin Shemu; 18 чэрвеня 1902 г., в. Сібэй, правінцыя Фуцзянь, Дынастыя Цін — 1 студзеня 2025, Фуцзянь, Кітай) — кітайская неверыфікаваная доўгажыхарка, якая пражыла 122 гады 197 дня. Узрост Лін не быў пацверджаны Групай геранталагічных даследаванняў. У пашпарце Лін пазначана дата нараджэння — 18 чэрвеня 1902 года.
Біяграфія Нарадзілася 18 чэрвеня 1902 года, у Кітаі (Дынастыя Цын), у вёсцы Сібэй падчас праўлення Вялікай імператрыцы Цысі. Маці Лін была сялянкай і памерла калі Лін Шэму была маленькай. У дзяцінстве яна выкопвала смаўжоў у полі і прадавала іх, а грошы аддавала сваёй мачыхі.
Была замужам, у мужа і жонкі было 4 дачкі і 3 сыны — малодшы сын нарадзіўся 4 лютага 1948 (гэта значыць яму было 77 гадоў на момант яе смерці).
Акрамя страты зроку, выкліканай старасцю, і траўмы абедзвюх ног, атрыманай пры падзенні, Лін не сутыкалася ні з якімі іншымі захворваннямі. Яна заўсёды магла сама пра сябе паклапаціцца. Па словах сваякоў, у Лін заўсёды быў выдатны слых і выдатны апетыт. Яе малодшы сын адзначыў, што яна заўсёды была ў добрым настроі і была задаволеная жыццём. Калі яе спыталі аб сакрэце яе даўгалецця, яна адказала: «Магчымасць ёсць, піць і спаць — гэта сапраўднае дабраславеньне». Сям’я Лін ніколі не імкнулася патрапіць у Кнігу рэкордаў Гінеса. Лін Шэму павінна была стаць найстарэйшым чалавекам у свеце 22 ліпеня 2018 года пасля смерці японкі Ціё Міяка і павінна была ўтрымліваць гэты тытул да сваёй смерці, але яго заняла іншая японка Канэ Танака, якая нарадзілася ў 1903 годзе.
Лін усё жыццё пражыла ў правінцыі Фуцзянь, размешчаны паміж Ганконгам і Шанхаем. Мірна памерла 1 студзеня 2025 года, у сябе дома ў сне, ва ўзросце 122 гады, 197 дзён, што адпавядае 44757 дзён. 3 студзеня адбылося пахаванне Лін Шэму. Аб смерці Лін паведаміла газета Daily Mirror. Лін Шэму апярэдзіла ўзрост Жаны Кальман на 33 дні, але паколькі Лін не была верфіцыраваная, не патрапіла на першае месца.
Крыніцы
Катэгорыя:Доўгажыхары