Геатэрмальная энергія (ад грэцкіх каранёў geo, зямля, і thermos, цяпло) — энергія, якая здабываецца ад цяпла нетраў Зямлі. Наяўнасць гэтай энергіі абумоўлена будовай планеты, радыеактыўным распадам мінералаў, а таксама сонечнай энергіі, якая паглынаецца паверхняй. Ва ўсім свеце па звестках на 2007 год было выпрацавана 10 ГВт электраэнергіі, што забяспечыла 0,3% спажывання. Дадаткова 28 ГВт энергіі былі атрыманыя праз непасрэднае выкарыстанне гарачай вады для ацяплення жытла, у прамысловасці і сельскай гаспадарцы.
Генерацыя электрычнасці
У 2005 годзе было згенеравана 56 768 гігават-гадзін (ГВт×г) электрычнасці, што эквівалентна 204 ПДж. Гэта забяспечыла 0,3% патрэбаў спажыўцоў.Lund, John W. (June 2007), «Characteristics, Development and utilization of geothermal resources », Geo-Heat Centre Quarterly Bulletin (Klamath Falls, Oregon: Oregon Institute of Technology) 28 (2): 1-9, ISSN 0276-1084 Кожны год выпрацоўка электрычнасці падвышаецца на 3%, што дае ёй не адставаць ад іншых крыніц энергіі. Рост вытворчасці забяспечаны як стварэннем новых электрастанцый, так і аптымізацыяй вытворчасці на існуючых.
Да апошняга часу геатэрмальныя станцыі звычайна размяшчаліся на межах разлому тэктанічных пліт, таму што геатэрмальныя крыніцы знаходзяцца ў разломах недалёка ад паверхні, з-за чаго не трэба рабіць глыбокія свідравіны.
Спасылкі
Катэгорыя:Геатэрмальная энергетыка