Сямён Сільвестравіч Пустэ́льнікаў ( — ) — удзельнік Вялікай Айчыннай вайны, баец-пагранічнік 9-й заставы 2-га пагранічнага атрада пагранічных войскаў НКУС ССР Украінскай пагранічнай акругі, яфрэйтар, Герой Савецкага Саюза.
Біяграфія Нарадзіўся 10 лютага 1921 года ў вёсцы Свісцёлкі цяпер Аршанскі раён, Віцебскай вобласці ў сям’і рабочага. Беларус. Адукацыя сярэдняя. Працаваў у горадзе Орша ў чыгуначных майстэрнях.
Служыў у пагранічных войсках НКУС СССР з 1940 года. Удзельнік абароны Ленінграда, быў чатыры разы паранены.
У 1945 годзе праходзіў службу ў званні яфрэйтара на 9 заставе 2-га пагранатрада памежных войскаў НКУС, размешчанага ў Радэхаўскім раёне, Львоўскай вобласці, Украінская ССР.
5 лютага 1945 года 9-я застава 2-га пагранатрада пагранічных войскаў НКУС вяла бой з бандай УПА. Пасля перастрэлкі банда пачала адыходзіць да лесу. Пагранічнік яфрэйтар Пустэльнікаў, бачачы, што бандыты адрываюцца ад заставы, сеў на вясковага каня, абагнаў банду і агнём скаваў яе дзеянні. Бандыты паранілі і акружылі Пустэльнікава, спрабавалі ўзяць яго жывым. Пустэльнікаў забіў трох бандытаў, а калі скончыліся патроны падарваў сябе гранатай, выбухам якой былі забітыя яшчэ два бандыты. Ахвяраваўшы жыццём, Пустэльнікаў забяспечыў падыход заставы да месца бою і ліквідацыю банды.
Пахаваны ў вёсцы Паторыця Сакальскага раёна Львоўскай вобласці Украіны.
Памяць У горадзе Орша ў гонар С. Пустэльнікава названая адна з вуліц.
Літаратура
Спасылкі
Катэгорыя:Героі Савецкага Саюза Катэгорыя:Удзельнікі Вялікай Айчыннай вайны Катэгорыя:Кавалеры ордэна Леніна