Вакх (; таксама — П'яны Вакх) — мармуровая скульптура, якая адлюстроўвае бога віна Вакха. Гэты твор быў створаны Мікеланджэла ў 1497 годзе па замове кардынала Рафаэля Рыярыа.
Уільям Уолес назваў статую « Першым шэдэўрам» Мікеланджэла.
Гісторыя стварэння Замову на статую Мікеланджэла атрымаў 4 ліпеня 1496 года, паколькі кардынал хацеў пашырыць сваю калекцыю антычных скульптур. Аднак вядома, што Рыярыа адмовіўся ад завершанага твора, і скульптуру набыў банкір Якопа Галі, сады якога былі размешчаны каля Палацца Канчэлерыя. Кандзіві памылкова адмаўляў факт замовы кардыналам статуі, але ў 1981 годзе гэта было пацверджана даследчыкамиMichael Hirst, Michelangelo in Rome: an altarpiece and the 'Bacchus' .
У 1572 годзе статую набылі Медычы і перавезлі ў Фларэнцыю.
Зараз статуя знаходзіцца ў музеі Барджэла ў ФларэнцыіНацыянальны мастацкі музей Барджэла .
Апісанне міні|злева|300пкс|Мартэн ван Хемскерк. Сады дому Галі(каля. 1532-1535) Гэтая двухметровая скульптурная група прызначана для кругавога агляду. Мікеланджэла адлюстраваў п'янага бога віна, якога суправаджае сатыр. Здаецца, што Вакх гатовы ўпасці наперад, ён хістаецца, але захоўвае раўнавагу, адхіляючыся назад. Позірк бога звернуты на чару з віном, і ён здаецца занадта закаханым у свой уласны дар чалавецтву. Мышцы спіны выглядаюць напружанымі, але расслабленыя мышцы жывата і сцёгнаў дэманструюць фізічную, а значыць, і духоўную слабасць. Мікеланджэла дамогся ўражання няўстойлівасці без кампазіцыйнай неўраўнаважанасці, якая магла б парушыць эстэтычны эфект.
На малюнку нідэрландскага мастака Мартэна ван Хемскерка (зробленым каля 1532-1535) у статуі ўжо не хапае рукі з кубкам і пеніса. Толькі рука была адноўлена ў пачатку 1550-ых.
У біяграфічным рамане К. Шульца « Камень і боль» гэтая скульптура называецца « душой віна»:
На думку Віктара Лазарава, Вакх - «найменш самастойная з прац Мікеланджэла», так лёгка чытаецца ўплыў антычнай пластыкі.
Для далейшага чытання Edgar Wind. Pagan Mysteries in the Renaissance. London, 1958, p. 147 —157 (ch. 12: A Bacchic Mystery by Michelangelo)
Літаратура
Катэгорыя:Скульптуры паводле алфавіта Катэгорыя:Культура Фларэнцыі Катэгорыя:Скульптуры Мікеланджэла Катэгорыя:Скульптуры Італіі