Карл Франц Піч, Карэл Францішак Піч (, ; , Бацдорф, цяпер Барташовіцы-ў-Орліцкіх-гарах, Кралаваградзецкі край — , Прага) — чэшскі арганіст і кампазітар.
Біяграфія Атрымаў першыя ўрокі музыкі ў свайго бацькі. Скончыўшы гімназію ў Індржыхуве-Градцы, вывучаў фартэпіяна, арган і кантрапункт у арганіста Іагана Франца Ота ў Кладска. Затым скончыў філасофскі факультэт Карлавага ўніверсітэта. У 1815—1826 гадах працаваў настаўнікам музыкі ў багатых дамах Чэхіі. У 1826 г. пераехаў у Прагу, з 1832 г. арганіст пражскай царквы Святога Мікалая. У 1840 г. узначаліў Пражскую арганную школу, якой кіраваў да канца жыцця; вучнямі Піча былі, у прыватнасці, Карэл БендльМузычная энцыклапедыя, 1973-1982 і Францішак Скугерскі.
Карл Франц Піч быў абраны ганаровым членам некалькіх музычных арганізацый, у тым ліку Зальцбургскага Мацартэума (1845).
Аўтар Рэквіему, некалькіх імшаў і іншай царкоўнай харавой і арганнай музыкі.
Карл Франц Піч памёр 12 чэрвеня 1858 года ў чэшскай сталіцы.
Катэгорыя:Арганісты Чэхіі Катэгорыя:Кампазітары паводле алфавіта Катэгорыя:Кампазітары Чэхіі Катэгорыя:Акадэмічныя музыканты Чэхіі Катэгорыя:Музычныя педагогі Чэхіі Катэгорыя:Нарадзіліся ў раёне Рыхнаў над Кнежнау