Адмірал (Vanessa atalanta) — дзённы матылёк з сямейства .
Этымалогія назвы Відавы эпітэт Atalanta. У грэчаскай міфалогіі Аталанта — гераіня Калідонскага палявання, дачка цара Аркадзіі, якая была выкармленая мядзведзіцай і вырасла ў лесе, яна бегала хутчэй за ўсіх людзей на Зямлі.
Апісанне
Даўжыня пярэдняга крыла 26-34,5 мм. Размах крылаў 50-65 мм. Крылы зверху чарнавата- або цёмна-бурыя. У вяршыні пярэдняга крыла вылучаецца невялікі зубец па знешнім краі. На пярэдніх крылах праз іх сярэдзіну папярок праходзіць чырвоная паласа-перавязь, а вышэй за яе — 3 буйныя і да 6 дробных белых плямаў.
На задніх крылах знешні край з шырокай чырвонай аблямоўкай, на якой 4-5 чорных метак і здвоеная блакітная плямка ў цёмным абадку ў анальным куце. Ніжні бок крылаў карычнявата-буры, з разнастайнымі чырванаватымі і белымі плямамі і шэрымі разводамі. Знізу на пярэдніх крылах паўтараецца малюнак верху, а задняе крыло карычняватае і мармурападобнае за кошт цёмных штрышкоў і звілін.
Падвіды Vanessa atalanta rubria (Fruhstorfer, 1909)
Размнажэнне Самка адкладае па адным яйцы на лісці кармавых раслін. У вусеняў падоўжная паласа на спінным баку цела адсутнічае, маюцца бакавыя жоўтыя палосы, жоўтыя кропкі і жаўтлявыя шыпы. Вусені развіваюцца з мая па жнівень. Жывуць у згорнутым у трубку лісці кармавых раслін. Кукалка вольная і прымацоўваецца галавой уніз.
Кармавыя расліны
Да кармавых раслін вусеняў адносяцца:
Час лёту Развіваецца ў адным-двух пакаленнях. Май, чэрвень, ліпень, жнівень, верасень, кастрычнік — 1 дэкада.
Месцапражыванне
Лясныя ўзлескі, паляны, абочыны дарог, лугі, берагі рэк і г. д. Часта назіраецца ў антрапагенных біятопах. У гарах сустракаецца да нівальнага поясу (2500—2700 над узроўнем мора).
Арэал Паўночная Афрыка, астравы Атлантычнага акіяна, знешнетрапічная Еўразія, поўнач Амерыкі, Гватэмала, Гаіці. Від схільны да дынамічных ваганняў колькасці і ў асобныя гады назіраецца ў вельмі вялікай колькасці. З’яўляецца актыўным мігрантам. Папуляцыі ў лясным поясе часткова, а на поўначы арэала цалкам папаўняюцца пералётнымі асобінамі з поўдня.
Галерэя
Літаратура
Спасылкі Адмирал, или Нимфа Аталанта Vanessa atalanta (Linnaeus, 1758) на сайте ecosystema.ru
Катэгорыя:Німфаліды Катэгорыя:Насякомыя Паўночнай Амерыкі Катэгорыя:Насякомыя Еўразіі Катэгорыя:Насякомыя Афрыкі Катэгорыя:Жывёлы, апісаныя ў 1758 годзе Катэгорыя:Насякомыя Новай Зеландыі Катэгорыя:Насякомыя на марках