Універсітэт імя Дж. Мак-Гіла () — канадская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Манрэаль у правінцыі Квебек, Канада.
Агульная характарыстыка Заснаваны каралеўскай граматай у 1821 годзе, універсітэт носіць імя Джэймса Мак-Гіла, шатландскага гандляра і рабаўладальніка, па завяшчанні якога ў 1813 годзе заснавана вучэльня. Універсітэт ажыццяўляе навучанне на англійскай мове. Галоўны кампус знаходзіцца на схіле гары Маўнт-Роял у цэнтры Манрэаля, а другі кампус знаходзіцца ў 30 кіламетрах на захад ад галоўнага кампуса на аднайменным востраве. Універсітэт з’яўляецца адным з двух сябраў Асацыяцыі амерыканскіх універсітэтаў, размешчаных па-за межамі ЗША. Універсітэт прапануе ступені і дыпломы па больш чым 300 напрамках навучання.
Выпускнікі і выкладчыкі ўніверсітэта ўключаюць 12 лаўрэатаў Нобелеўскай прэміі і 148 стыпендыятаў Родса, а таксама 159 стыпендыятаў Лорана, 18 мільярдэраў, тры прэм’ер-міністры Канады, два генерал-губернатары Канады і 15 суддзяў Вярхоўнага суда Канады. Сярод выпускнікоў вучэльні таксама 9 лаўрэатаў прэміі «Оскар», 13 лаўрэатаў прэміі «Грэмі», 13 лаўрэатаў прэміі «Эмі», чатыры лаўрэаты Пулітцэраўскай прэміі і 121 алімпіец з больш чым 30 медалямі.
Структура Факультэт аграрных і экалагічных навук Факультэт мастацтваў Факультэт стаматалагічнай медыцыны і навук пра здароўе ротавай паражніны Факультэт адукацыі Факультэт інжынерыі Факультэт права Факультэт менеджменту Факультэт медыцыны і навук пра здароўе Факультэт прыродазнаўчых навук Школа музыкі Школа бесперапыннага навучання
Вядомыя выпускнікі Збігнеў Бжазінскі
Крыніцы
Спасылкі
Афіцыйная інтэрнэт-старонка ўстановы
Катэгорыя:Навучальныя ўстановы з англійскай мовай навучання Катэгорыя:Універсітэты паводле алфавіта Катэгорыя:Універсітэты Канады