Уладзі́мір Сярге́евіч Карава́й () — беларускі правазнавец і палітык. Міністр юстыцыі БССР (1986—1988). Старшыня Вярхоўнага суда БССР (1988—1991), старшыня Вярхоўнага суда Рэспублікі Беларусь (1991—1997). Член Савета Рэспублікі Нацыянальнага сходу Рэспублікі Беларусь першага склікання (1997—2000). Заслужаны юрыст Рэспублікі Беларусь.

Біяграфія Нарадзіўся 10 мая 1936 года ў в. Міцкевічы Вілейскага павета Віленскага ваяводства (цяпер — Смаргонскі раён Гродзенскай вобласці)Министры. Министерство юстиции Республики Беларусь .

Працоўную дзейнасць пачаў у 1954 годзе інструктарам Смаргонскага раённага камітэта ЛКСМБ. У 1955—1959 гадах служыў у Ваенна-марскім флоце. Пасля звальнення ў запас паступіў на юрыдычны факультэт Беларускага дзяржаўнага ўніверсітэта.

Пасля заканчэння ўніверсітэта ў 1964 годзе абраны народным суддзёй народнага суда Гомельскага раёна, у 1965 годзе — народным суддзёй народнага суда Веткаўскага раёна, у 1965 годзе — членам Гомельскага абласнога суда.

Са жніўня 1969 года па 1973 год працаваў інструктарам Гомельскага абкама КПБ. З сакавіка 1973 года па сакавік 1978 года працаваў намеснікам старшыні Гомельскага абласнога суда па крымінальных справах. З сакавіка 1978 года — старшыня Гомельскага абласнога суда.

Працаваў дэпутатам Гомельскага абласнога Савета народных дэпутатаў, членам рэвізійнай камісіі і прапагандыстам Гомельскага абкама КПБ, членам бюро першаснай партыйнай арганізацыі, выкладчыкам Універсітэта марксізму-ленінізму пры Гомельскім абкаме КПБ.

25 снежня 1986 года прызначаны Міністрам юстыцыі БССРУказ Прэзідыума Вярхоўнага Савета БССР ад 25 снежня 1986 года. 19 лістапада 1988 года абраны Старшынёй Вярхоўнага Суда БССР, быў на гэтай пасадзе да выхаду ў адстаўку 4 студзеня 1997 годаУказ Прэзідэнта Рэспублікі Беларусь ад 4 студзеня 1997 года.

З 10 студзеня 1997 годаУказ Президента Республики Беларусь от 10 января 1997 года № 25 «О назначении Н. И. Дементея, Т. Н. Дудко, Н. Н. Еременко, В. С. Каравая членами Совета Республики Беларусь Национального собрания Республики Беларусь» па 2000 год — член Савета Рэспублікі Нацыянальнага сходу Рэспублікі Беларусь першага склікання (па прэзідэнцкай квоце). З’яўляўся старшынёй Пастаяннай камісіі Савета Рэспублікі па заканадаўстве і дзяржаўным будаўніцтве.

Узнагароды Ганаровая грамата Вярхоўнага Савета БССР (1986)Указ Прэзідыума Вярхоўнага Савета БССР ад 8 мая 1986 года. Заслужаны юрыст Рэспублікі Беларусь (1996)Указ Прэзідэнта Рэспублікі Беларусь ад 9 снежня 1996 года.

Крыніцы

Літаратура Парламент — Нацыянальны сход Рэспублікі Беларусь. — Мн., 1997.

Спасылкі

Катэгорыя:Нарадзіліся ў Смаргонскім раёне Катэгорыя:Міністры юстыцыі БССР Катэгорыя:Заслужаныя юрысты Рэспублікі Беларусь Катэгорыя:Старшыні Вярхоўнага Суда Рэспублікі Беларусь Катэгорыя:Старшыні Вярхоўнага Суда БССР Катэгорыя:Суддзі Беларусі Катэгорыя:Дэпутаты Гомельскага абласнога Савета дэпутатаў Катэгорыя:Члены Савета Рэспублікі Нацыянальнага сходу Рэспублікі Беларусь 1-га склікання