Камсамо́льскі сельсавет — былая адміністрацыйна-тэрытарыяльная адзінка ў складзе Капыльскага раёна Мінскай вобласці Беларусі. Цэнтр — вёска Камсамольская.

Утвораны 16 студзеня 1969 года ў Капыльскім раёне Мінскай вобласці БССР з цэнтрам у вёсцы Камсамольская ў складзе 18 населеных пунктаў (вёскі Асавец, Аснікі, Баркаўцы, Дзянісава, Дунаева, Калюга, Камень, Камсамольская, Кандратавічы, Карачоўшчына, Кісялі, Падлужжа, Пятрылава, Рэпная Града, Сунаі, Труханавічы, Хвойнікі і пасёлак Пукава), якія ўваходзілі ў склад Грозаўскага сельсаветаРашэнне выканкома Мінскага абласнога Савета дэпутатаў працоўных ад 16 студзеня 1969 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1969, № 9 (1239).. У 1976 годзе скасаваны пасёлкі Аснікі і ДзянісаваРашэнні выканкома Мінскага абласнога Савета дэпутатаў працоўных ад 31 сакавіка, 7 і 29 красавіка 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 17 (1499).. 28 мая 2013 года сельсавет скасаваны, яго тэрыторыя далучана да Грозаўскага сельсаветаРешение Минского областного Совета депутатов от 28 мая 2013 г. № 234 Об изменении административно-территориального устройства районов Минской области .

Станам на 1 студзеня 2008 года ў сельсавеце налічвалася 710 гаспадарак, 1481 жыхар, станам на 1 студзеня 2009 г. — 686 гаспадарак, 1438 жыхароў. На момант скасавання ў склад сельсавета ўваходзілі 16 населеных пунктаў: вёскі Асавец, Баркаўцы, Дунаева, Калюга, Камень, Камсамольская, Кандратавічы, Карачоўшчына, Падлужжа, Пятрылава, Сунаі, Труханавічы, пасёлкі Кісялі, Пукава, Рэпная Града, Хвойнікі.

Насельніцтва сельсавета паводле перапісу 2009 года складала 1318 чалавек, з іх 92,0 % — беларусы, 5,8 % — рускія, 1,4 % — украінцы.

Літаратура Административно-территориальное устройство БССР: справочник: в 2 т. / С.Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.). — Минск: «Беларусь», 1987. — 283 с. Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

Катэгорыя:Былыя сельсаветы Капыльскага раёна Катэгорыя:Сельсаветы Беларусі, утвораныя ў 1969 годзе Катэгорыя:Сельсаветы Беларусі, скасаваныя ў 2013 годзе