thumb|Лесвіцы Культурнага цэнтра Парк Іспаніі (ісп. Parque de España) — гарадскі парк у горадзе Расарыа (Аргенціна). Ён уключае ў сябе парк і культурны цэнтр агульнай плошчай 10 000 м², размешчаны непадалёк ад гістарычнага цэнтра горада, на беразе ракі Парана.
Культурны цэнтр знаходзіцца на поўначы парка. Ён быў спраектаваны каталонскім архітэктарам Арыёлем Бахігасам і ўключае тэатр на 500 месцаў, канферэнц-залу, тры выставачных галерэі мастацтва і відэатэку. Паўднёвы фасад будынку цэнтра ўяўляе сабой набор адкрытых лесвіц, дзе могуць сядзець каля 5 000 гледачоў падчас канцэртаў ці паказаў. Культурны цэнтр быў створаны на грошы іспанскага ўрада на землях, выдзеленых муніцыпалітэтам Расарыа ў межах святкавання 500-годдзя з дня адкрыцця Амерыкі. Яго ўрачыста адчынілі ў лістападзе 1992 года ў прысутнасці прынцэсы Крысціны з Іспаніі. Цэнтр прымаў мерапрыемствы Трэцяга міжнароднага кангрэса іспанскай мовы, які адбыўся ў Расарыа ў лістападзе 2004 года.
Спасылкі Афіцыйны сайт Культурнага цэнтра Звесткі аб парку на сайце горада Расарыа
Катэгорыя:Паркі Расарыа Катэгорыя:Расарыа