Кі́лва () — найбуйнейшы востраў на возеры Мверу. Уваходзіць у склад Замбіі. Прыкладная плошча - 25 км². У 2012 г. на востраве знаходзілася болей за 800 чал., пераважна бежанцаў з Конга.
Востраў Кілва месціцца на паўднёвым захадзе возера Мверу ў 4,65 км ад заходняга берага, які ўваходзіць ужо ў склад Конга. У 6,2 км ад вострава Кілва знаходзіцца аднайменнае кангалезскае паселішча. Адлегласць да Лусакі, сталіцы Замбіі, — прыкладна 676 км. Найбольшая шырыня — 7,76 км. Даўжыня — 12,8 км.
У XIX ст. на востраве спыняліся гандляры-суахілі, якія, як мяркуюць, далі яму назву ў гонар аднайменнайга вострава ў Індыйскім акіяне. У наш час на востраве Кілва знаходзяцца памежны пост Замбіі і паселішча бежанцаў з Конга.
Спасылкі Kilwa Island: Zambia DRC rebels kill Chienge headman ZAMBIA: Housing the DRC refugees Starving Kilwa Island receives food
Катэгорыя:Геаграфія Замбіі