Помнік князю Алегу Святаславічу — помнік першаму князю драўлян у Оўручы (Украіна).
Гісторыя Пастаўлены на месцы першага пахавання князя драўлянскага Алега Святаславіча, які загінуў у 977 годзе падчас штурму горада яго братам Яраполкам Святаславічам. У 1044 годзе паводле загаду Яраслава Мудрага рэшткі Алега Святаславіча былі ахрышчаны і перапахаваны ў Дзесяціннай царкве ў Кіеве. У 1812 годзе група афіцэраў Валынскага апалчэння супраць Напалеона на свае сродкі паставіла помнік Алегу — князь на бронзавым кані. Пазней гэты помнік быў дэмантаваны. Сучасны манумент — глыба з «чорнага» граніту — усталяваны ў 1962 годзе на рагу вуліц Фрунзэ і Леніна.
Катэгорыя:Оўруч Катэгорыя:Помнікі Украіны Катэгорыя:З’явіліся ў 1962 годзе