Ма́слікаўцы (, ) — вёска ў Іўеўскім раёне Гродзенскай вобласці, на рацэ Гаўя. Уваходзіць у склад Ліпнішкаўскага сельсавета.
Гісторыя У сярэдзіне XIX ст. у складзе Ліпнішкаўскай воласці Ашмянскага павета Віленскай губерні. У 1861 г. 11 рэвіскіх душ, у складзе маёнтка Маслікаўцы, засценак Маслікаўцы, 9 рэвіскіх душ, у складзе казённага маёнтка Ліпнішкаўскай плябаніі. Паводле перапісу 1897 г., 14 двароў, 68 жыхароў, у засценку 2 двары, 12 жыхароў. У 1909 г. в. Маслікаўцы 1-я 11 двароў, 60 жыхароў, 33 дзесяціны зямлі, у в. Маслікаўцы 2-я 8 двароў, 43 жыхары, у в. Маслікаўцы 3-я 2 двары, 12 жыхароў, 24 дзесяціны зямлі.
Частка насельніцтва займалася сплавам лесу па р. Гаўя.
У 1921—1939 гг. у Ліпнішскай гміне Валожынскага, затым Лідскага паветаў Навагрудскага ваяводства Польшчы. У 1921 г. 26 двароў, 136 жыхароў.
3 12 кастрычніка 1940 г. вёска (38 двароў, 180 жыхароў) ў Галімшчынскім сельсавеце Іўеўскага раёна. 3 1952 г. у калгасе «Чырвоная зорка», з 1954 г. уваходзіла ў калгас «Радзіма». 3 2 снежня 1961 г. у Ліпнішкаўскім сельсавеце. У 1970 г. 150 жыхароў.
Насельніцтва 1999 — 20 двароў, 40 жыхароў.
Спасылкі
Маслікаўцы на Віртуальнай Івейшчыне
Катэгорыя:Ліпнішкаўскі сельсавет Катэгорыя:Населеныя пункты Іўеўскага раёна