Помнік Кастусю Каліноўскаму — помнік у г. Свіслачы, прысвечаны рэвалюцыянеру-дэмакрату, кіраўніку паўстання 1863—1864 гг. і нацыянальнаму герою Беларусі і Літвы Кастусю Каліноўскаму, які ў 1855 годзе скончыў Свіслацкую гімназію. Размешчаны па вул. Леніна каля будынка сярэдняй школы.
Помнік устаноўлены ў 1958 годзе і такім чынам з'яўляецца першым і адзіным (станам на 2019 г.) помнікам К. Каліноўскаму на тэрыторыі БеларусіЗа ўскладаньне кветак да помніка Каліноўскаму ў Сьвіслачы судзяць, а да помніка Сталіну — не.
Апісанне Аўтар помніка — скульптар Заір Азгур. Пагрудны бронзавы бюст К. Каліноўскага вышынёй 1,05 м пастаўлены на высокім 3-мятровым пастаменце пірамідальнай формы. Стрыманы парыў, гордая незалежнасць, духоўная актыўнасць героя перададзены ў павароце галавы, смелым позірку, у рысах твару. Кампазіцыя бюста ажыўлена рухам рукі, якая трымаецца за штрыфель фрака. Старанная прапрацоўка форм, дэталей касцюма — фрак, шырокі гальштук — надае вобліку жыццёвую канкрэтнасць і верагоднасць.
Гл. таксама Помнік Рамуальду Траўгуту (Свіслач)
Літаратура
Спасылкі
Катэгорыя:Помнікі Гродзенскай вобласці Катэгорыя:Помнікі паводле алфавіта Катэгорыя:З’явіліся ў 1958 годзе Катэгорыя:1958 год у Беларусі Катэгорыя:Кастусь Каліноўскі Катэгорыя:Творы Заіра Азгура Катэгорыя:Славутасці Свіслачы Катэгорыя:Помнікі ўдзельнікам паўстання 1863—1864 гадоў