Закаменка — возера ў Браслаўскім раёне Віцебскай вобласці. Знаходзіцца за 18 км на паўночны ўсход ад горада Браслаў, за 0,7 км на поўнач ад вёскі Каменка, у басейне ракі Друйка. Знаходзіцца на тэрыторыі Нацыянальнага парка «Браслаўскія азёры».
Плошча паверхні 0,05 км². Даўжыня 0,36 км, найбольшая шырыня 0,15 км. Найбольшая глыбіня 6,8 м, сярэдняя — 3,0 м. Даўжыня берагавой лініі 1,08 км. Аб’ём вады ў возеры 0,15 млн м³. Плошча вадазбору 2 км².
Схілы катлавіны ўмерана стромкія, разараныя, на поўначы пад лесам. Берагі пясчаныя, на поўначы і ўсходзе высокія. Уздоўж урэзу вады расце хмызняк. Злучана ручаём з возерам Каменка.
Літаратура
Спасылкі Агульная характарыстыка азёр Віцебскай вобласці / Даведнік «Водныя аб’екты Рэспублікі Беларусь» Морфаметрычныя параметры азёр Віцебскай вобласці / Даведнік «Водныя аб’екты Рэспублікі Беларусь»
Катэгорыя:Азёры Віцебскай вобласці Катэгорыя:Азёры Браслаўскага раёна