Ніцкі дагавор быў падпісаны еўрапейскімі лідарамі 26 лютага 2001 года і ўступіў у сілу 1 лютага 2003 года. Ён унёс змены ў Маастрыхцкі дагавор (або Дагавор аб Еўрапейскім саюзе), а таксама Рымскі дагавор (або Дагавор аб стварэнні Еўрапейскай супольнасці). Ніцкі дагавор рэфарміраваў інстытуцыйную структуру Еўрапейскага саюза для пашырэння на ўсход, гэта значыць спрыяў задачы, якая была першапачаткова пастаўлена Амстэрдамскім дагаворам, але не была вырашана на бягучы момант.
Уступленне дагавора ў сілу некаторы час было пад сумненнем пасля яго адхілення грамадзянамі Ірландыі на рэферэндуме ў чэрвені 2001. У выніку дагавор быў прыняты толькі пасля паўторнага рэферэндуму, які адбыўся годам пазней.
Згодна з афіцыйнай заявай галоўнай мэтай Дамовы з'яўляецца завяршэнне працэсу падрыхтоўкі да функцыянавання інстытутаў у рамках Еўрапейскага Саюза, пачатага Амстэрдамскім дагаворам. Агульная арыентацыя на падрыхтоўку да пашырэння і імкненне прадухіліць і мінімізаваць рызыкі, звязаныя з уступленнем вялікай групы новых дзяржаў-членаў.
Рэфармуюцца практычна ўсе інстытуты Еўрасаюза. Мяняецца колькасны склад і паўнамоцтвы Еўрапейскага парламента. Пераглядаецца і строга фіксуецца колькасць галасоў, якую мае кожная дзяржава-член у Савеце ЕС. Адначасова ўносяцца змены ў працэдуру галасавання і вызначаецца кворум і парог колькаснай большасці, неабходны для прыняцця рашэнняў (абавязковая колькасць галасоў усталёўваецца не толькі для дзяржаў-членаў, але і для ўсіх дзяржаў-кандыдатаў на ўступленне ў ЕС).
Дагавор прадугледжвае маштабную рэформу судовай сістэмы ЕС. Уводзіцца такая структура судовых інстанцый як Суд ЕС, Суд першай інстанцыі (СПІ) і спецыялізаваныя судовыя палаты. СПІ набывае фактычна статус суда агульнай юрысдыкцыі і надзяляецца адпаведнай кампетэнцыяй. Дэталі змяненняў, якія праводзяцца, фіксуюцца ў новым Статуце Суда ЕС, які прыкладаецца да Ніцкага дагавора і дапаўняецца далейшымі рашэннямі Савета ЕС.
Палажэнні дагавора + Адносная вага галасоў у Савеце Еўрапейскага саюза, як было вырашана ў Ніцкім дагаворы. Змена набыла моц 1 лістапада 2004 года: Краіна Галасы Нас. (X106) Адн. вага Германія 29 82.0 1.00 Вялікабрытанія 29 59.4 1.38 Францыя 29 59.1 1.39 Італія 29 57.7 1.42 Іспанія 27 39.4 1.94 Польшча 27 38.6 1.98 Румынія 14 22.3 1.78 Нідэрланды 13 15.8 2.33 Грэцыя 12 10.6 3.20 Чэхія 12 10.3 3.29 Бельгія 12 10.2 3.33 Венгрыя 12 10.0 3.39 Партугалія 12 9.9 3.42 Швецыя 10 8.9 3.18 Аўстрыя 10 8.1 3.49 Балгарыя 10 7.7 3.67 Славакія 7 5.4 3.67 Данія 7 5.3 3.73 Фінляндыя 7 5.2 3.81 Літва 7 3.7 5.35 Ірландыя 7 3.7 5.35 Латвія 4 2.4 4.71 Славенія 4 2.0 5.67 Эстонія 4 1.4 8.08 Кіпр 4 0.8 14.14 Люксембург 4 0.4 28.28 Мальта 3 0.4 21.26 Усяго 345 490
Храналогія эвалюцыі ЕС
Гл. таксама Рымскі дагавор Маастрыхцкі дагавор Амстэрдамскі дагавор Лісабонскі дагавор
Заўвагі
Спасылкі Афіцыйны партал Ніцкага дагавора (Еўрапейская камісія) Рэзюмэ дагавора Зводны варыянт дагавораў Гісторыя Еўрапейскага саюза - Ніцкі дагавор Аналіз вагі галасоў да і пасля, з трохмернай візуалізацыяй Кніга пра Ніцкі дагавор (Таксама ў PDF) Ніцкі дагавор Еўрапейскі навігатар
Катэгорыя:Еўраінтэграцыя Катэгорыя:Дагаворы Еўрапейскага саюза Катэгорыя:Гісторыя Еўрапейскага саюза Катэгорыя:Гісторыя Ніцы