Гімназія № 23, афіцыйная назва ДУА «Гімназія з беларускай мовай навучання» № 23 г. Мінска — адна з найстарэйшых адукацыйных устаноў Мінска. Навучанне вядзецца на беларускай мове. 18 чэрвеня 2002 года ператворана ў гімназію з сярэдняй школы.
Гісторыя
У 1936—1940 гадах у памяшканні школы размяшчалася лётнае вучылішча, у 1947—1955 гады — жаночая 10-гадовая школа № 23 Варашылаўскага раёна Мінска. З 1955 года прымалі юнакоў. З 1984 года ў школе адкрыты класы з ухілам у хакей і плаванне.
З 1990 года пачала ўводзіцца беларуская мова навучання.
18 чэрвеня 2002 года атрыманы статус гімназіі. У 2002 годзе быў адкрыты музей гісторыі Савецкага раёна.
У 1951-2007 гадах навучальную ўстанову скончылі 3747 вучняў, 77 з іх з залатым медалём, 126 са срэбным.
У гімназіі з першага класа вывучаецца кітайская мова. У 2013 годзе вучні гімназіі бралі ўдзел у міжнародным конкурсе на веданне кітайскай мовы і наведалі кітайскую школу ў горадзе Таншань.
У кастрычніку 2015 года кітайская кампанія «ZTE» перадала гімназіі электроннае абсталяванне для паляпшэння якасці навучання.
Спасылкі Афіцыйны сайт гімназіі № 23
Катэгорыя:Навучальныя ўстановы, заснаваныя ў 1947 годзе Катэгорыя:Гімназіі Мінска Катэгорыя:Праспект Незалежнасці (Мінск) Катэгорыя:1947 год у Мінску