Уладзімір Сямёнавіч Мурахвер () — беларускі мастак дэкаратыўна-прыкладнога мастацтва. Заслужаны дзеяч мастацтва Беларусі (1990). Муж Л. М. Мягковай.
Біяграфія Нарадзіўся 5 снежня 1931 года ў г. Ананьеў Малдаўскай Аўтаномнай Савецкай Сацыялістычнай Рэспублікі.
У 1952 годзе скончыў Ташкенцкае мастацкае вучылішчаУладзімір Мурахвер. Да 90-годдзя з дня нараджэння.
У 1959 годзе скончыў Ленінградскае вышэйшае мастацка-прамысловае вучылішча імя Мухінай па спецыяльнасці «Мастацкая кераміка, мастацкая апрацоўка шкла».
У 1959 годзе па размеркаванні быў накіраваны на шклозавод «Нёман» у Бярозаўку, дзе працаваў да 2000 года, у тым ліку ў 1966 па 1973 гадах — на пасадзе галоўнага мастака. Узначальваў мастацкі аддзел, мастацка-эксперыментальную лабараторыю завода.
Памёр 2 студзеня 2017 года ў г. Бярозаўка Гродзенскай вобласці.
Творчасць Працуючы на шклозаводзе «Нёман», стварыў больш за тысячу вырабаў са шкла, большасць з якіх была ўкаранёна ў масавую вытворчасць і выпускаецца ў цяперашні час. У вольны час займаўся жывапісам і графікай, работы экспанаваліся ў музеях, на шматлікіх міжнародных выставах, гандлёва-прамысловых кірмашах.
З 1960 года — удзельнік мастацкіх выстаў.
Творы захоўваюцца ў зборах Нацыянальнага мастацкага музея Рэспублікі Беларусь, Гродзенскага гісторыка-археалагічнага музея, Лідскага гісторыка-мастацкага музея, гістарычнага музея ў Смаленску, музея прыкладнога мастацтва ў Санкт-Пецярбургу, музея-сядзібы Кускова, музея шкла ў Даніі, у прыватных калекцыях Беларусі, Украіны, Германіі, ЗША і Польшчы.
Галерэя
Узнагароды Ганаровая грамата Вярхоўнага Савета БССР (1975), залаты медаль на выстаўцы шкла і фарфору ў г. Ябланец (Чэхаславакія, 1979), заслужаны дзеяч мастацтваў БССР (1990), сярэбраны медаль Акадэміі мастацтваў СССР (1990).
Літаратура
Катэгорыя:Мастакі Беларусі