Вуліца Гогаля () — вуліца ў Ленінскім раёне Брэста, у гістарычным цэнтры горада.
Гісторыя Забудова вуліцы вядзецца з сярэдзіны XIX стагоддзя. Першапачаткова насіла назву вуліца Сярэдняя. У 1909 годзе пераназвана ў гонар рускага пісьменніка М. В. Гогаля. У 1921—1939 гадах, калі горад знаходзіўся пад уладай Польскай Рэспублікі, насіла назву вуліца Тадэвуша Касцюшкі ў гонар нацыянальнага героя Беларусі, Польшчы і ЗША, лідара нацыянальна-вызваленчага паўстання 1794 года. У гады нямецка-фашысцкай акупацыі — Мітэналее. Падчас Вялікай Айчыннай вайны вуліца моцна пацярпела. Пасля вызвалення горада ў 1944 г. зноў стала вуліцай Гогаля.
Фарміраванне вуліцы Гогаля завяршылася ў 1965 годзе, калі яе даўжыня была павялічана за кошт вул. Розы Люксембург.
Размяшчэнне
Арыентавана з паўднёвага захаду на паўночны ўсход. На большай частцы ўяўляе сабой бульвар. Пачынаецца ад вуліцы Зубачова каля Брэсцкай крэпасці, перасякае чыгуначныя пуці, вуліцу Фаміна, з паўночна-заходняга боку прымыкаюць вуліцы Наганава, Кааператыўная, Крупскай, далей перасякае вуліцы Камуністычную, Леніна, Карла Маркса, Камсамольскую, Савецкую ў пешаходнай яе частцы, з паўночна-заходняга боку прымыкае вуліца Куйбышава, перасякае вуліцу Карбышава і бульвар Касманаўтаў, пасля кругавога скрыжавання з вуліцай Кірава пераходзіць у вуліцу Папаніна. Даўжыня вуліцы складае каля 2,5 км.
Забудова № 4 — Спарткомплекс «Дынама» № 5 — Брэсцкі гарадскі цэнтр культуры
№ 7 — Брэсцкі музычны каледж імя Рыгора Шырмы № 9 — Абласны спартыўны комплекс «Брэсцкі» і стадыён «Брэсцкі» № 13 — Брэсцкае аддзяленне Беларускай гандлёва-прамысловай палаты № 16 — № 18 —
№ 25 — № 33 —
№ 37 — касцёл Святога Антонія Падуанскага — № 41 (пл. Свабоды, 1) — № 48 — Консульства Францыі № 53 (вул. Савецкая, 51) —
№ 60 —
Славутасці
Помнік Гогалю на скрыжаванні за вул. Леніна (1962, скульптар А. Шмакаў). Помнік Тысячагоддзя Брэста (2009; архітэктар Аляксей Андрэюк, скульптар Аляксей Паўлючук) на скрыжаванні за вул. Савецкай Алея каваных ліхтароў урачыста адкрыта ў гонар гадавіны вызвалення Брэста 27 ліпеня 2013 года.
Крыніцы
Спасылкі
Катэгорыя:Ленінскі раён (Брэст) Катэгорыя:Гістарычны цэнтр Брэста
Катэгорыя:Вуліцы, названыя ў гонар Мікалая Гогаля