Leopoldo Basa Villadefrancos, nado na Coruña o 29 de maio de 1866 e finado en Donostia o 19 de decembro de 1947, foi un xornalista e escritor galego.
Traxectoria Pasou a infancia, adolescencia e parte da mocidade na Coruña, onde estudou o Bacharelato e a carreira de Peritaxe Mercantil. Trasladouse a Madrid onde coñeceu a Miguel Cané, embaixador da República Arxentina en España, que lle recomendou a partida para ese país. En Bos Aires traballou como secretario da Inspección General de la Municipalidad e colaborou frecuentemente con medios de comunicación porteños como: El País, La Nación, Almanaque Gallego ou El Eco de Galicia. Entrou en contacto coa colonia galega e chegou a ler o discurso de apertura da velada literario-musical que se celebrou o 21 de novembro de 1908 a cargo do Orfeón Gallego para homenaxear a Manuel Curros Enríquez. Ademais da súa actividade profesional, tamén se dedicou á pintura e á crítica de arte. Regresou a España en 1910 e estableceuse en Donostia, cidade na que morreu en 1947.
Foi un polifacético escritor en castelán, pero en galego só publicou o relato "¿Fixo ben?" no Almanaque Gallego de 1900.
Obras Teatro Don Marcelo, 1902. La leña de la vida. Los nervios, 1908. La Peregrina.
Novelas Flores del Pantano. Espigas sueltas, 1903. El Premio. Don Juan en América.
Ensaio El mundo de habla española. Dionisio Fierros y el Arte en Galicia, 1908.
Véxase tamén Bibliografía
Ligazóns externas "Leopoldo Basa Villadefrancos. Na elite intelectual galega de Bos Aires" Álbum da Emigración.
Categoría:Escritores de Galicia en lingua castelá Categoría:Xornalistas da Coruña Categoría:Galegos da Arxentina Categoría:Nados na Coruña Categoría:Nados en 1866 Categoría:Finados en 1947 Categoría:Membros correspondentes da Real Academia Galega