Mario Rico Cobas, nado en Ferrol en 1903 e finado na mesma cidade o 18 de agosto de 1936, foi un sindicalista e político galego.
Traxectoria Foi un dos creadores do Sindicato Xeral da Industria Naval da CNT e da Federación Comarcal de Sindicatos Únicos de Ferrol en 1931. Dirixiu o periódico Cultura Proletaria, colaborou en El Gráfico, Solidaridad Obrera e CNT e estreou varias obras de teatro de temática social. Participou con Enrique Fernández no Pleno de Xixón para artellar a Federación Nacional da Industria Metalúrxica. Aliñouse coa corrente máis moderada da CNT e afiliouse en 1934 ao Partido Sindicalista, participando como representante do Partido en varios mitins de propaganda do Estatuto en xuño de 1936. Co golpe de Estado do 18 de xullo de 1936 foi detido e estivo preso na Escollera do Arsenal e asasinado nun monte de San Filipe o 18 de agosto de 1936.La Voz de Galicia, 20-8-1936, p. 7.
Notas
Véxase tamén Bibliografía
Ligazóns externas Apuntes para unha enciclopedia histórica do anarquismo galego (R)
Categoría:Anarquistas de Galicia Categoría:Asasinados polo bando nacional en Galicia Categoría:Nados en Ferrol Categoría:Nados en 1903 Categoría:Finados en 1936 Categoría:Personalidades de Galicia sen imaxes finados hai máis de 80 anos