Linda Diane Brown Buck, nada en Seattle, Washington o 29 de xaneiro de 1947, é unha médica e científica estadounidense coñecida polos seus traballos sobre o sistema olfactivo.
Traxectoria Recibiu o seu Bachelor of Science en Fisioloxía e Microbioloxía en 1975 da Universidade de Washington, Seattle e o grao de doutora (Ph.D.) en Inmunoloxía en 1980 na Universidade de Texas Southwestern Medical Center, Dallas. Fixo o seu traballo pos-doutoral na Universidade de Columbia con Axel. O tema da súa investigación baseouse en como as feromonas e os cheiros se detectan no nariz e son interpretados polo cerebro, pois descubriron unha familia de xenes implicada no control da produción de receptores especializados. Premiada co galardón Lewis S. Rosentiel (1997) polo seu traballo na investigación médica básica.
É membro da Academia Nacional das Ciencias desde o ano 2003. Obtivo xunto a Richard Axel o Premio Nobel de Fisioloxía ou Medicina de 2004 polos seus traballos sobre os receptores olfactivos.
Actualmente (2004), traballa no Departamento de Neurobioloxía da Universidade Harvard e no Centro Fred Hutchinson, tamén en Boston.
Véxase tamén Ligazóns externas Páxina do Instituto Nobel, Premio Nobel de Medicina ou Fisioloxía 2004
Categoría:Médicos dos Estados Unidos de América Categoría:Premio Nobel de Medicina Categoría:Nados en 1947 Categoría:Nados en Seattle, Washington Categoría:Premios Nobel dos Estados Unidos de América