Mario Iceta Gavicagogeascoa, nado en Gernika-Lumo o 21 de marzo de 1965, é un eclesiástico católico vasco, actualmente bispo diocesano de Bilbao.
Traxectoria Presbiterado Foi ordenado sacerdote da diocese de Córdoba o 16 de xullo de 1994 polo bispo diocesano José Antonio Infantes Florido.
Na diocese cordobesa, comezou como coadxutor da parroquia da Asunción de Priego de Córdoba en 1994. Posteriormente pasou a ser párroco en Almodóvar del Río, entre 2002 e 2004. Foi nomeado párroco en Lucena e vigairo episcopal da Campiña en 2004, cóengo penitenciario en 2005, e vigairo xeral e ecónomo catedralicio en 2007.
No ámbito académico, obtivo en 1995 o doutoramento en Medicina e Cirurxía pola Universidade de Navarra, e en 2002 o doutoramento en Teoloxía polo Pontificio Instituto Xoán Paulo II (Roma). En 2004 obtivo o máster en Economía pola UNED, foi nomeado membro correspondente da Real Academia de Córdoba, e comezou como profesor asociado de Teoloxía Moral e Bioética na Universidade de Navarra. Foi fundador da Sociedade Andaluza de Investigación Bioética.
Episcopado O 5 de febreiro de 2008 foi nomeado bispo auxiliar de Bilbao, e bispo titular de Alava. Recibiu a ordenación episcopal de mans de Ricardo Blázquez o 12 de abril de 2008, sendo os co-consagradores Carlos Amigo Vallejo, arcebispo de Sevilla, e Manuel Monteiro de Castro, nuncio apostólico para España.
O 24 de agosto de 2010 foi nomeado bispo diocesano de Bilbao, tomando o 11 de outubro posesión da sé.
O 6 de outubro de 2020 foi nomeado arcebispo metropolitano de Burgos.
Notas
Categoría:Bispos católicos de España Categoría:Nados en 1965 Categoría:Nados en Gernika-Lumo Categoría:Alumnos da Universidade de Navarra Categoría:Alumnos do Pontificio Instituto Xoán Paulo II Categoría:Alumnos da Universidade Nacional de Educación a Distancia Categoría:Bispos da Igrexa católica latina Categoría:Arcebispos e bispos de Burgos