A praia dos afogados é un filme galego de drama e suspense dirixido por Gerardo Herrero e producido por Carlos Rodríguez, adaptación da obra A praia dos afogados de Domingo Villar. Foi estreado o 10 de outubro de 2015 en 110 salas de España, 20 delas en Galicia, nunha versión dobre, en galego e en castelán. Está protagonizado por Carmelo Gómez, que interpreta o detective Leo Caldas, Pedro Alonso no papel de Valverde, e Luis Zahera como Arias. A rodaxe fíxose en Nigrán e Vigo, con exteriores na praia da Madorra, Panxón e o casco urbano da cidade olívica.
Sinopse miniatura|250px|Praia da Madorra, un dos escenarios do filme. Unha mañá, o cadáver dun mariñeiro é arrastrado pola marea ata a costa. Se non tivese as mans atadas ás costas, Xusto Castelo sería outro dos fillos do mar que atopou a morte entre as augas mentres faenaba. Sen testemuñas nin pistas da embarcación do finado, o lacónico inspector Leo Caldas mergullarase no ambiente mariñeiro da vila, tratando de poñer en claro o crime.
Personaxes
Carmelo Gómez como Leo Caldas Luis Zahera como José Arias Pedro Alonso como Marcos Valverde Tamar Novas como Diego Neira (carpinteiro de ribeira) Darío Loureiro como Diego Neira (Xove) Marta Larralde como Alicia Castelo Celia Freijeiro como Ana (muller de Valverde) María Vázquez como Irene Vázquez Antonio Garrido como Rafael Estévez Lucía Regueiro como Rebeca Neira Carlos Blanco como Hermida Fernando Morán como Manuel Trabazo Rosa Álvarez como Lola (muller de Trabazo) Celso Bugallo como pai de Leo Caldas Déborah Vukusic como Clara García Luis Iglesia como Guzmán Barrio (médico forense) Fran Peleteiro como Ferro Vicente Montoto como Alberto (tío de Caldas) María Vázquez como Irene Vázquez (farmacéutica) Ernesto Chao como Somoza Celso Parada como propietario da taberna Eligio Pepo Suevos como subinspector Lanja Belén Constenla como veciña de Arias Gonzalo Rei Chao como Antonio Sousa Manolo Romón como médico do hospital
Notas
Véxase tamén Outros artigos A praia dos afogados
Categoría:Filmes de 2015 Categoría:Filmes en lingua castelá Categoría:Filmes de Galicia Categoría:Filmes dirixidos por Gerardo Herrero Categoría:Filmes rodados en Galicia Categoría:Filmes en lingua galega Categoría:Filmes rodados en Nigrán Categoría:Filmes rodados en Vigo Categoría:Filmes de 2015 con versión en galego