O ácido caprílico, tamén chamado ácido octanoico é un ácido graxo saturado de 8 carbonos. Os seus compostos encóntranse de forma natural no leite de varios mamíferos, e como constituíntes menores do aceite de coco e de palma. É un líquido oleoso que é minimamente soluble en auga e ten un cheiro e sabor a rancio lixeiramente desagradable.Budavari, Susan, ed. (1996), The Merck Index: An Encyclopedia of Chemicals, Drugs, and Biologicals (12th ed.), Merck, ISBN 0-911910-12-3
Hai outros dous ácidos que se nomean a partir da palabra cabra cos que non se debe confundir, que son o caproico (C6) e o cáprico (C10). Estes tres ácidos supoñen en conxunto o 15% das graxas do leite de cabra.
Usos O ácido caprílico úsase comercialmente na produción de ésteres utilizados en perfumería e tamén na fabricación de tinguiduras.
O ácido caprílico é un pesticida antimicrobiano utilizado como un desinfectante en contacto coa superficie do alimento en instalacións e equipamentos relacionados coa manipulación e procesamento de alimentos e bebidas. Tamén se usa como desinfectante en instalacións sanitarias, escolas, instalacións veterinarias, instalacións industriais, edificios de oficinas, instalacións recreativas, comercios, locais para o gando, restaurantes, e hoteis. Ademais, o ácido caprílico utilízase como alxicida, bactericida, e funxicida en garderías, invernadoiros, centros de xardinería. Os produtos que conteñen ácido caprílico formúlanse como líquidos concentrados solubles e líquidos listos para usar.EPA - Antimicrobials Division. Docket Number; EPA-HQ-OPP-2008-0477 Caprylic (Octanoic) Acid.
Para que a hormona ghrelina teña unha acción estimulante do apetito sobre o hipotálamo, debe unirse ácido caprílico (ou outros ácidos graxos) a un residuo de serina situado na posición 3 da ghrelina.
O cloruro de acilo do ácido caprílico utilízase na síntese do ácido perfluorooctanoico.
Usos na dieta O ácido caprílico pode tomarse como supremento da dieta.
Algúns estudos indican que os triglicéridos de cadea media (que conteñen ácidos graxos de cadea media, entre eles o ácido caprílico) poden axudar no proceso de queima do exceso de calorías, e na perda de peso.Takeuchi, H; Sekine, S; Kojima, K; Aoyama, T (2008). "The application of medium-chain fatty acids: edible oil with a suppressing effect on body fat accumulation". Asia Pacific journal of clinical nutrition. 17 Suppl 1: 320–3. PMID 18296368.St-Onge, MP; Jones, PJ (2002). "Physiological effects of medium-chain triglycerides: potential agents in the prevention of obesity". The Journal of nutrition 132 (3): 329–32. PMID 11880549.Papamandjaris, AA; MacDougall, DE; Jones, PJ (1998). "Medium chain fatty acid metabolism and energy expenditure: obesity treatment implications". Life Sciences 62 (14): 1203–15. doi:10.1016/S0024-3205(97)01143-0. PMID 9570335. Os triglicéridos de cadea media tamén promoven a oxidación de ácidos graxos e reducen a inxestión de alimentos.Clegg, M. E. (2010). "Medium-chain triglycerides are advantageous in promoting weight loss although not beneficial to exercise performance". International Journal of Food Sciences and Nutrition 61 (7): 653–679. doi:10.3109/09637481003702114. PMID 20367215. Tamén houbo interese nos triglicéridos de cadea media entre os atletas de resistencia e os culturistas.Talbott, Shawn M. and Kerry Hughes. (2006). The Health Professional's Guide to Dietary Supplements. Lippincott Williams & Wilkins. pp. 60–63. ISBN 978-0-7817-4672-4.
Notas
Categoría:Ácidos graxos