San Cristovo de Merín é unha parroquia que se localiza no norte do concello coruñés de Vedra na comarca de Santiago. Segundo o IGE en 2018 tiña 115 habitantes (53 mulleres e 62 homes) distribuídos en 8 entidades de poboación, o que supón unha diminución en relación ao ano 1999 cando tiña 163 habitantes. Patrimonio
En 1932 os irmáns José e Mariano Lema Lobato abriron un serradoiro no lugar de Chan de Cartas. O seu pai, Mariano Lema Alvela, fundara xa un en Santa Cruz de Ribadulla a finais do século XIX. A industria pasou a mans de Mariano Lema Valdés, fillo de Mariano Lema Lobato, quen foi concelleiro en Vedra até ser destituído en 1936.
Festividades San Pedro mártir Celébrase o domingo despois do 29 de abril, e aínda que na actualidade decaeu a asistencia, foi unha das romarías máis importantes da comarca de Santiago.
San Cristovo Celébrase o día 10 de xullo e a fin de semana seguinte a esa data. Destaca a recuperación dende hai uns anos da romaría que se celebra o domingo, na que o redor dun cento de vehículos (maioritariamente camións, pero tamén coches, motos...) fan un percorrido ó redor de todo o concello de Vedra, encabezando esta a imaxe de San Cristovo encima dun camión. Logo os condutores asisten á misa e xúntanse nun xantar popular.
Galería de imaxes
Lugares e parroquias Lugares de Merín
Parroquias de Vedra
Notas
Véxase tamén Outros artigos Lugares de Vedra
Categoría:Parroquias de Vedra Categoría:Parroquias de Galicia baixo a advocación de san Cristovo