Xoán V, nado en Antioquía e finado en Roma o 2 de agosto de 686, foi o Papa nº 82 da Igrexa católica de 685 a 686. Traxectoria Como cardeal diácono participou no Sexto Concilio Ecuménico celebrado en Constantinopla, como representante de Agatón.
Ao renunciar o emperador Constantino IV ao seu dereito a confirmar ao papa elixido polo colexio cardinalicio, cedendo ese dereito ao exarca de Rávena, Xoán foi consagrado o mesmo día da súa elección, o 23 de xullo de 685, a diferenza dos seus inmediatos antecesores que tiveron que esperar o permiso imperial.
Durante o seu pontificado, moi breve, estableceu que o nomeamento dos bispos das dioceses de Sardeña e de Córsega correspondía á Santa Sé e non ao arcebispo de Cagliari.
Categoría:Papas Categoría:Finados en 686 Categoría:Nados en Antioquía