Johann Christian Polycarp Erxleben, nado o 22 de xuño de 1744 en Quedlinburg, Reino de Prusia (hoxe no Land de Saxonia-Anhalt), e finado o 19 de agosto de 1777 en Gotinga, foi un naturalista alemán. As súas áreas de especialización inclúen a física, a mineraloxía, a química e a historia natural.
Traxectoria Desde 1763 a 1767 Erxleben, estudou medicina na Georg-August-Universität Göttingen (coñecida como Universidade de Gotinga). Despois de conseguir o seu doutoramento, foi profesor de física e química, así como de medicina veterinaria nesta universidade, onde desenvolvería toda a súa carreira profesional.
Está considerado como un dos fundadores da medicina veterinaria moderna, xa que fundou, en 1771, a máis antiga institución académica neste campo en Alemaña, o Tierärztliches Institut (Instituto Veterinario).
Desde 1774 Erxleben foi membro da Sozietät der Wissenschaften zu Göttingen (Sociedade de Ciencias de Gotinga), hoxe Akademie der Wissenschaften zu Göttingen (Academia de Ciencias de Gotinga).Holger Krahnke: Die Mitglieder der Akademie der Wissenschaften zu Göttingen 1751–2001 (= Abhandlungen der Akademie der Wissenschaften zu Göttingen, Philologisch-Historische Klasse. Folge 3, Bd. 246 = Abhandlungen der Akademie der Wissenschaften in Göttingen, Mathematisch-Physikalische Klasse. Folge 3, Bd. 50). Vandenhoeck & Ruprecht, Göttingen, 2001, ISBN 3-525-82516-1.
A súa nai, Dorothea Christiane Erxleben, foi a primeira muller en obter un doutoramento en medicina en Alemaña.Schiebinger, Londa (1990): "The Anatomy of Difference: Race and Sex in Eighteenth-Century Science", en Eighteenth Century Studies 23 (3): 387-405.
Publicacións principais Os seus traballos científicos inclúen, entre outros: Dijudicationem Systematum Animalium (1767). Anfangsgründe der Naturlehre (1768).Anfangsgründe der Naturlehre Betrachtungen der Ursachen der Unvollständigkeit der Mineralsysteme (1768). Anfangsgründe der Chemie (1775).Anfangsgründe der Chemie Einleitung in die Vieharzneykunst (1769). Betrachtung über das Studium der Vieharzneykunst (1769). Geschichte meiner Beschäftigung mit der Vieharzneykunst (1798).
Abreviatura A abreviatura Erxleben emprégase para recoñecer a como autoridade na descrición e taxonomía en zooloxía.
Notas
Véxase tamén
Bibliografía Beaucamp, Gerta (1994): Johann Christian Polycarp Erxleben. Versuch einer Biographie und Bibliographie. Göttingen: Wallstein Verlag. ISBN 978-3-8924-4085-7. Brenig, Bertram (2000): Johann Christian Polycarp Erxleben (1744-1777) - Universalgelehrter, Naturforscher und Tierarzt. Georgia-Augusta Kästner. Abraham Gotthelf (1778): "Elogium Jo. Christiani Polycarpi Erxleben". En: Novi commentarii Societatis Regiae Scientiarum Gottingensis. Lichtenberg, Georg Christoph (2005): Vorlesungen zur Naturlehre. Göttingen: Akademie der Wissenschaften zu Göttingen. Wallstein Verlag.
Ligazóns externas Bibliografía de e sobre Erxleben no catálogo da Biblioteca Nacional de Alemaña.
Categoría:Veterinarios de Alemaña Categoría:Científicos de Alemaña Categoría:Alumnos da Universidade de Gotinga Categoría:Profesores da Universidade de Gotinga Categoría:Nados en 1744 Categoría:Nados en Quedlinburg Categoría:Finados en 1777 Categoría:Escritores en lingua alemá Categoría:Escritores en lingua latina